ആദ്യ വിജയം പിഎസ്ജിക്ക് സമ്മാനിച്ച് ഡ്രാക്സ്ളര്‍
ലീഗ് 1ല്‍ ആദ്യ വിജയം നേടി പിഎസ്ജി.മെറ്റ്സിനെതിരെയുള്ള മല്‍സരത്തില്‍ പിഎസ്ജി എതിരിലാത്ത ഒരു ഗോളിനാണ് വിജയം കണ്ടത്.യുവ താരമായ ജൂലിയന്‍ ഡ്രാക്സ്ളര്‍ ആണ് പിഎസ്ജിയുടെ വിജയ ഗോള്‍ നേടിയത്.പിഎസ്ജി താരം അബ്ദു ഡിയാലോ മല്‍സരത്തില്‍ ചുവപ്പ് കാര്‍ഡ് കണ്ട് മടങ്ങി.
ഇന്നലെ കഴിഞ്ഞ മല്‍സരത്തില്‍ കൊറോണ പോസിറ്റീവ് മൂലം ഐസോലേഷനില്‍ കഴിഞ്ഞ ഡി മരിയയും മൌറോ ഇകാര്‍ഡിയും ഇറങ്ങിയിരുന്നു.കൈലിയാന്‍ എംബാപ്പെ സബ് ലിസ്റ്റില്‍ പോലും ഉണ്ടായിരുന്നില്ല.ഒരു സമയത്ത് മല്‍സരം സമനിലയില്‍ കലാശിക്കും എന്ന് തോന്നിച്ചെങ്കിലും എക്സ്ട്രാ ടൈമില്‍ പിഎസ്ജിയുടെ രക്ഷകന്‍ ആയി ഡ്രാക്സ്ളര്‍ അവതരിച്ചു.വിജയത്തോടെ പിഎസ്ജി പോയിന്‍റ് ടെബളില്‍ പതിനഞ്ചാം സ്ഥാനത്തേക്ക് എത്തി.തോല്‍വി നേരിട്ട മെറ്റ്സ് പതിനെട്ടാം സ്ഥാനത്തേക്ക് എത്തുകയും ചെയ്തു.
