സ്ലാട്ടന്‍ നാളത്തെ മല്‍സരത്തിന് പൂര്‍ണ സജ്ജന്‍ എന്ന് പിയോളി
യൂറോപ്പ ലീഗിന്റെ പ്രാഥമിക റൌണ്ടുകള്‍ ആരംഭിക്കുമ്പോൾ, ഷാംറോക്ക് റോവേഴ്‌സിനെതിരായ മത്സരത്തിൽ സ്ലാറ്റൻ ഇബ്രാഹിമോവിച്ച് കളിക്കുമെന്നും താരം പൂർണമായും സുഖം പ്രാപിച്ചുവെന്നും മിലാൻ കോച്ച് സ്റ്റെഫാനോ പിയോളി സ്ഥിരീകരിച്ചു.ഇന്ന് അയർലണ്ടിലേക്ക് യാത്രചെയ്യുന്നു, ഡബ്ലിനിലെ യൂറോപ്പ രണ്ടാം യോഗ്യതാ റൗണ്ടിൽ തന്റെ കളിക്കാർ മികച്ച പ്രകടനം കാഴ്ചവക്കുമെന്നും പിയോളി പ്രതീക്ഷിക്കുന്നു.
“യോഗ്യതാ മത്സരങ്ങൾ ഒരു തുടക്കം മാത്രമാണ്.ഇപ്പോള്‍ ഞങ്ങള്‍ ഭയങ്ങര ആവേശത്തില്‍ ആണ്.കഴിഞ്ഞ വർഷം ഞങ്ങൾ തുടങ്ങിവച്ച പാത പിന്തുടരുന്നതിന്റെ ആവേശം അതുപോലെ ഒരു പുതിയ സീസൺ ആരംഭിച്ചതിന്റെ ആവേശം.താരങ്ങള്‍ക്ക് ഞാന്‍ മുന്നറിയിപ്പ് നല്‍കിയിട്ടുണ്ട്.അലംഭാവം കാണിക്കാതെ കളിക്കാന്‍ അവരോട് ഞാന്‍ പറഞ്ഞിട്ടുണ്ട്.”അദ്ദേഹം മല്‍സരത്തിന് മുന്‍പ് വാര്‍ത്താസമ്മേളനത്തില്‍ പറഞ്ഞു.നാളെ ഇന്ത്യന്‍ സമയം രാത്രി 11:30 ക്കാണ് മല്‍സരം
