ബുണ്ടസ്ലിഗ ഷെഡ്യൂള് ഒരു പരിധി വരെ ബയേണിനെ ചാമ്പ്യന്സ് ലീഗില് തുണച്ചു എന്ന് ക്ലോപ്പ്
ബയേൺ മ്യൂണിക്ക് ബോസ് ഹാൻസി ഫ്ലിക്കിന് ക്ലബ്ബിൽ കുറഞ്ഞ സമയത്തിനുള്ളിൽ കൂടുതൽ നേട്ടങ്ങൾ കൈവരിക്കാൻ കഴിയുമായിരുന്നില്ലെന്ന് ജർഗൻ ക്ലോപ്പ് പറയുന്നു.എന്നാൽ ചാമ്പ്യൻസ് ലീഗ് നേടാൻ ബുണ്ടസ്ലിഗാ ടീമിന് നല്ല ഭാഗ്യമുണ്ടായിരുന്നു എന്നും ക്ലോപ്പ് അഭിപ്രായപ്പെട്ടു.എല്ലാ സ്ഥാനങ്ങളിലും ബയേണിന് ലോകോത്തര നിലവാരമുള്ള കളിക്കാരുണ്ടെന്ന് ലിവർപൂൾ മാനേജർ ക്ലോപ്പ് പറയുന്നു, എന്നാൽ ബുണ്ടസ്ലിഗ ഷെഡ്യൂളിൽ നിന്ന് അവർക്ക് ഒരു സഹായം ലഭിച്ചുവെന്നും അദ്ദേഹം കരുതുന്നു.
“അവര് വളരെ മികച്ച വേള്ഡ് ക്ലാസ് താരങ്ങള് ആണ്.എല്ലാ പൊസിഷനിലും ആവശ്യത്തിന്നുള്ള താരങ്ങള് ഉള്ളതിനാല് അവര് മികച്ച രീതിയില് കളിച്ചു.പക്ഷേ ബുണ്ടസ്ലിഗ ഷെഡ്യൂള് അവരെ തുണച്ചു എന്നും പറയണം.അവരുടെ ഈ ഷെഡ്യൂള് ചാമ്പ്യന്സ് ലീഗില് ബയേണിന് വലിയ ഭാഗ്യമായി തുണച്ചു.”ക്ലോപ്പ് അഭിപ്രായപ്പെട്ടു.
