ഭാര്യ സിറ്റി ഫാന് ആയതിനാല് ആണ് അവള് അങ്ങനെ പറഞ്ഞത് – സിഞ്ചെങ്കോ
സിറ്റി ചാമ്പ്യന്സ് ലീഗില് നിന്നും പുറത്തായത് പെപ്പിന്റെ തെറ്റായ തീരുമാനം മൂലം ആണെന്ന് സിറ്റി താരമായ സിഞ്ചെങ്കോയുടെ ഭാര്യ പറഞ്ഞിരുന്നു.ഇത് സമൂഹ മാധ്യമങ്ങളില് വന് പ്രതിഷേധം ഉടലെടുക്കാന് കാരണമായി.പിന്നീട് താരം ഇന്സ്റ്റാഗ്രാമില് തന്റെ നിലപാടുമായി എല്ലാം വ്യക്തമാക്കി ഒരു പോസ്റ്റ് ഷെയര് ചെയ്തിരുന്നു.
“ഞങ്ങൾ ലിയോണിനോട് തോറ്റു, അതിനർത്ഥം മാനേജർ ശ്രമിക്കുന്നത് തെറ്റാണെന്ന് അർത്ഥമാക്കുന്നില്ല. മുമ്പ് എന്റെ അഭിമുഖങ്ങളും ഞങ്ങളുടെ മാനേജരെക്കുറിച്ച് ഞാൻ സംസാരിക്കുന്ന രീതിയും നിങ്ങൾ കണ്ടിട്ടുണ്ടെങ്കിൽ നിങ്ങൾക്ക് എന്നെ വിശ്വസിക്കാൻ കഴിയും.അദ്ദേഹം നമ്പർ 1 ആണ്.എന്റെ ഭാര്യ ഒരു കടുത്ത സിറ്റി ആരാധികയാണ്.അവള് സമൂഹ മാധ്യമങ്ങളില് പോസ്റ്റ് ചെയ്തത് തെറ്റാണ്,പക്ഷേ അവളുടെ വിഷമം പറഞ്ഞെന്നെ ഉള്ളൂ.”അദ്ദേഹം ഇന്സ്റ്റാഗ്രാമില് വെളിപ്പെടുത്തി.
