റോഡ്രിഗസിന് സിദാനുമായി പ്രശ്നങ്ങളുണ്ട് – അര്‍ട്ടുറോ വിദാല്‍
ജെയിംസ് റോഡ്രിഗസിന് സിനദീന്‍ സിദാനുമായി പ്രശ്നങ്ങളുണ്ട് എന്ന് റോഡ്രിഗസിന്റെ മുൻ സഹതാരം അർതുറോ വിഡാൽ അഭിപ്രായപ്പെട്ടു. ഈ സമ്മറില്‍ ക്ലബിൽ നിന്ന് മാറിനിൽക്കാൻ റയൽ മാഡ്രിഡ് താരത്തിനോട് ആവശ്യപ്പെട്ടതായും വിദാല്‍ വെളിപ്പെടുത്തി.2014 ലെ കൊളംബിയക്ക് വേണ്ടിയുള്ള ലോകകപ്പിൽ ടോപ് സ്കോററായി ജെയിംസ് ഫിനിഷ് ചെയ്യുന്നത് കണ്ട റയല്‍ പ്രസിഡന്‍റ് പേരെസ് മൊണാക്കോയിൽ നിന്ന് സാന്റിയാഗോ ബെർണബ്യൂവിലേക്ക് കൊണ്ടുവരാൻ 75 മില്യൺ യൂറോ നൽകിയിരുന്നു.
“ജെയിംസും ഞാനും സഹോദരന്മാരാണ്, ഞങ്ങൾ മ്യൂണിക്കിൽ നല്ലൊരു സുഹൃദ്‌ബന്ധം സൃഷ്ടിച്ചിരുന്നു. റയലിന്‍റെ ആദ്യ ഇലവനില്‍ കളിക്കാൻ ജെയിംസിന് യോഗ്യതയുണ്ട്, എന്തുകൊണ്ടാണ് അവർ ഈ വർഷം അദ്ദേഹത്തിന് അവസരം നൽകാത്തതെന്ന് എനിക്കറിയില്ല.അദ്ദേഹത്തിന് പരിശീലകനുമായി പ്രശ്‌നങ്ങളുണ്ടെന്നത് അരോചകമാണ്.”അദ്ദേഹം വിന്‍ സ്പോര്‍ട്ട്സിനോട് പറഞ്ഞു.
