ഡീല്‍ ഉറപ്പിച്ച് മാഞ്ചെസ്റ്റര്‍ സിറ്റി
വിംഗർ ഫെറാൻ ടോറസിനെ വാങ്ങുന്നതില്‍ മാഞ്ചസ്റ്റർ സിറ്റി വലൻസിയയുമായി ധാരണയിലെത്തി.ഇന്ന് ലാസ് പ്രൊവിൻ‌സിയാസ് റിപ്പോർട്ട് ചെയ്തത് അനുസരിച്ച് ഇരു ടീമുകളും ഒരു ധാരണയില്‍ എത്തി എന്ന് തങ്ങളെ അറിയിച്ചതായി അവകാശപ്പെടുന്നു.ടോറസിനായി മാഞ്ചസ്റ്റർ സിറ്റി 25 മില്യൺ ഡോളർ മുൻ‌കൂറായി നൽകാമെന്ന് സമ്മതിച്ചതായി റിപ്പോര്‍ട്ടുകള്‍ വന്നിട്ടുണ്ട്.
നിലവിലെ കരാറിൽ ഒരു വർഷം മാത്രം ബാക്കി നിൽക്കെ ക്ലബിൽ ഒരു പുതിയ കരാർ ഒപ്പിടാൻ വിസമ്മതിച്ചതിനെത്തുടർന്ന് ഈ സമ്മറില്‍ ടോറസിനെ നല്‍കിയത് വലൻസിയയ്ക്ക് നല്ലൊരു ഇടപാടാണ് എന്നാണ് വിലയിരുത്തുന്നത്.റയല്‍ മാഡ്രിഡ്,യുവന്‍റസ്,ബോറൂസിയ ഡോര്‍ട്ട് മുണ്ട് എന്നിവര്‍ ടോറസിനെ ടീമിലെത്തിക്കാന്‍ താല്‍പര്യം പ്രകടിപ്പിച്ചിരുന്നു.സിറ്റിക്ക് അവരുടെ മുന്‍ താരമായ ലെറോയ് സാനക്ക് പകരം ഉള്ള താരമായിരിക്കും ഫെറാന്‍ ടോറസ്.
