സമനിലയെങ്കിലും മൂന്നാം സ്ഥാനത്തേക്ക് ഉയർന്ന് മാഞ്ചസ്റ്റർ യുണൈറ്റഡ്

വെസ്റ്റ് ഹാമിനെ യുണൈറ്റഡ് എതിരേറ്റ മത്സരം സമനിലയിൽ പിരിഞ്ഞു. ഇരു ടീമുകളും ഓരോ ഗോൾ വീതം അടിച്ചു പോയിന്റുകൾ പങ്കിട്ടെടുത്തു. ലീഗിൽ ഒരു കളി മാത്രം അവശേഷിക്കെ 63 പോയിന്റുമായി ചെകുത്താന്മാർ മൂന്നാം സ്ഥാനത്തേക്ക് ഉയർന്നു. 62 പോയിന്റുമായി അഞ്ചാം സ്ഥാനത്തുള്ള ലെസ്റ്ററുമായാണ് അവരുടെ അടുത്ത മത്സരം. അതിൽ തോൽക്കില്ല എന്ന് ഉറപ്പ് വരുത്തിയാൽ യുണൈറ്റഡ് അടുത്ത സീസൺ ചാപ്യൻസ് ലീഗ് കളിക്കും.

വെസ്റ്റ് ഹാം ആണ് സ്കോറിങ്ങിന് തുടക്കം കുറിച്ചത്. പെനാൽറ്റി ബോക്സിൽ പോഗ്ബയുടെ ഹാൻഡ് ബോളിനു കിട്ടിയ പെനാൽറ്റി അന്റോണിയോ [45+2′]മുതലാക്കുകയായിരുന്നു . രണ്ടാം പകുതിയുടെ തുടക്കത്തിൽ തന്നെ യുണൈറ്റഡ് ഗ്രീൻവുഡിലൂടെ [51′]തിരിച്ചടിച്ചു. മാർഷ്യലുമായി ഗ്രീൻവുഡ്‌ നടത്തിയ ലിങ്ക് അപ്പ് പ്ലേയ് ഗോളിൽ കലാശിച്ചു. തന്റെ 50 ആം മത്സരത്തിന് ഇറങ്ങിയ 18 കാരന്റെ സീസണിലെ 17 ആം ഗോൾ ആണ് ഇത്. ഒരു സീസണിൽ 17 ഗോൾ പൂർത്തീകരിച്ച ഏറ്റവും പ്രായം കുറഞ്ഞ യുണൈറ്റഡ് താരമായി ഗ്രീൻവുഡ്‌ മാറി.