ബോണ്‍മൌത്തിനെ ചാരമാക്കാന്‍ ചെകുത്താന്‍മാര്‍
പ്രീമിയര്‍ ലീഗില്‍ ഇന്ന് മാഞ്ചെസ്റ്റര്‍ യുണൈറ്റഡ് ബോണ്‍മൌത്തിനെ നേരിടും.ഇന്ത്യന്‍ സമയം ഇന്ന് രാത്രി ഏഴരക്ക് യുണൈറ്റഡിന്‍റെ കോട്ടയായ ഓള്‍ഡ് ട്രാഫോര്‍ഡിലാണ് മല്‍സരം.പോയിന്‍റ് പട്ടികയില്‍ യുണൈറ്റഡ് അഞ്ചാം സ്ഥാനത്തും ബോണ്‍മൌത്ത് പത്തൊന്‍പതാം സ്ഥാനതാണ്.ഈ സീസണില്‍ ഇരു ടീമുകളും ഇതിന് മുന്നേ ഏറ്റുമുട്ടിയപ്പോള്‍ വിജയം ബോണ്‍മൌത്തിനൊപ്പം ആയിരുന്നു.എതിരിലാത്ത ഒരു ഗോളിന് അന്ന് യുണൈറ്റഡ് പരാജയപ്പെട്ടിരുന്നു.
എന്നാല്‍ അന്നത്തെ അവസ്ഥ അല്ല ഇപ്പോള്‍ യുണൈറ്റഡിനുള്ളത്.വിന്‍റര്‍ ട്രാന്‍സ്ഫറില്‍ പുതിയ സൈനിങ് നടത്തിയതിന് ശേഷം അവരുടെ പ്രകടനം വളരെയേറെ മെച്ചപ്പെട്ടിരിക്കുന്നു.ബ്രൂണോ ഫെര്‍ണാണ്ടസ് പോഗ്ബ സഖ്യം മികച്ച പ്രകടനം കാഴ്ചവക്കുമെന്ന് ആരാധകര്‍ പ്രതീക്ഷിക്കുന്നു.കഴിഞ്ഞ മല്‍സരത്തില്‍ ഇരട്ട ഗോള്‍ നേടി ബ്രൂണോ യുണൈറ്റഡ് ആരാധകരുടെ ഇഷ്ട്ട താരമായി മാറികഴിഞ്ഞു.
