അറ്റ്ലറ്റിക്കോയ്ക്ക് വിജയം
സ്പാനിഷ് ലാലിഗയില്‍ ഇന്നു രാവിലെ ഒന്നരക്ക് നടന്ന മല്‍സരത്തില്‍ തകര്‍പ്പന്‍ വിജയവുമായി അറ്റ്ലറ്റിക്കോ മാഡ്രിഡ്.മല്ലോര്‍ക്കയ്ക്കെതിരെ നടന്ന മല്‍സരത്തില്‍ എതിരിലാത്ത മൂന്ന് ഗോളുകള്‍ക്കാണ് അറ്റ്ലറ്റിക്കോ മാഡ്രിഡ് വിജയിച്ചത്.അല്‍വാറോ മൊറാട്ട (29′,45+4′)മിനുട്ടുകളില്‍ ഗോള്‍ നേടി മികവ് കാട്ടി.എഴുപത്തൊന്‍പാതാം മിനുട്ടില്‍ ഗോള്‍ നേടി കൊക്കേ .മല്ലോര്‍ക്കയുടെ പതനം പൂര്‍ത്തിയാക്കി.
മല്‍സരം മുപ്പത് മിനുട്ടില്‍ ആദ്യ ഡ്രിങ്ക്സ് ഇടവേളക്ക് മുന്നേ പെനാല്‍ട്ടി ലഭിച്ച അറ്റ്ലറ്റിക്കോ മാഡ്രിഡ് ആദ്യ ലീഡ് നേടി.പിന്നീട് ആദ്യ പകുതി തീരാനിരിക്കെ മൊറാട്ട തന്‍റെ രണ്ടാം ഗോള്‍ നേടി വീണ്ടും അറ്റ്ലറ്റിക്കോ മാഡ്രിഡിന് മുന്‍കൈ നേടി കൊടുത്തു.ഗോളിന് അസിസ്റ്റ് നല്‍കിയത് മാര്‍കോസ് ലോറെന്‍റെയാണ്.പിന്നീട് കൊക്കേയുടെ ഗോളും വീണതോടെ മല്ലോര്‍ക്കയുടെ എല്ലാ പ്രതീക്ഷകളും അസ്തമിച്ചിരുന്നു.
