ലാലിഗയില്‍ നാളെ അറ്റ്ലറ്റിക്കോ മാഡ്രിഡ് ഇറങ്ങും
സ്പാനിഷ് ലാ ലിഗയില്‍ നാളെ അറ്റ്ലറ്റിക്കോ മാഡ്രിഡ് തങ്ങളുടെ ഹോം ഗ്രൌണ്ടായ വാണ്ട മെട്ട്രോപൊളിറ്റാന സ്റ്റേഡിയത്തില്‍ വച്ച് നാളെ ഇന്ത്യന്‍ സമയം ഒന്നരക്ക് മല്ലോര്‍ക്കയെ നേരിടും.പോയിന്‍റ് പട്ടികയില്‍ പതിനെട്ടാം സ്ഥാനത്താണ് മല്ലോര്‍ക്ക അറ്റ്ലറ്റിക്കോ മാഡ്രിഡ് മൂന്നാം സ്ഥാനത്തും.സ്പാനിഷ് ലീഗില്‍ ഇതിന് മുന്നേ ഇരു ടീമുകളും ഏറ്റുമുട്ടിയപ്പോള്‍ അന്ന് വിജയം അറ്റ്ലറ്റിക്കോ മാഡ്രിഡിനൊപ്പം ആയിരുന്നു.
ബാഴ്സലോണയുമായുള്ള മല്‍സരത്തില്‍ സമനില വഴങ്ങിയിട്ടുള്ള വരവാണ് അറ്റ്ലറ്റിക്കോ മാഡ്രിഡ്.അന്നത്തെ മല്‍സരത്തില്‍ ടീമിന്‍റെ പ്രകടനത്തില്‍ ഡിയഗോ സിമിയോണി തൃപ്തന്‍ ആകാന്‍ വഴിയില്ല.രണ്ട് ഗോളുകളും പിറന്നത് പെനാല്‍ട്ടി വഴിയാണ്.എങ്ങനെയും റെലഗേഷനില്‍ നിന്നും രക്ഷ നേടുക എന്ന ലക്ഷ്യം ആയിരിക്കും മല്ലോര്‍കയ്ക്ക്.കഴിഞ്ഞ മല്‍സരത്തില്‍ സെല്‍റ്റാ വിഗോയെ അഞ്ചേ ഒന്നിന് പരാജയപ്പെടുത്തിയാണ് മല്ലോര്‍ക്ക മല്‍സരത്തിനിറങ്ങുന്നത്.
