റോമക്ക് ഷോക്ക് ട്രീറ്റ്മെന്‍റ് നല്‍കി ഉഡിനീസ്
സുഗമമായ വിജയം പ്രതീക്ഷിച്ച് ഇറങ്ങിയ റോമ ഇന്നലെ ഉഡിനീസുമായി തോറ്റു.എതിരിലാത്ത രണ്ട് ഗോളിനാണ് അവര്‍ ഉഡിനീസിനോട് പരാജയപ്പെട്ടത്.പരാജയത്തോടെ റോമയുടെ ആദ്യ നാല് സ്ഥാനങ്ങളില്‍ എത്തുക എന്ന ലക്ഷ്യം നിറവേറാന്‍ സാധ്യത കുറവാണ്.അറ്റ്ലാന്‍റയുമായി പന്ത്രണ്ട് പോയിന്‍റുകളുടെ വിത്യാസമാണ് റോമക്ക് ഇപ്പോള്‍ ഉള്ളത്. ഇന്നലത്തെ വിജയത്തോടെ ഉഡിനീസ് ഒരു പടി കൂടി കയറി പതിനഞ്ചാം സ്ഥാനത്തെത്തി.
മല്‍സരത്തിന്റെ ആദ്യ പകുതിയില്‍ ഗോള്‍ നേടി ഉഡിനീസ്1-0 നു മുന്നില്‍ നിന്നു.കെവിന്‍ ലസാഗ്നയാണ് പന്ത്രണ്ടാം മിനുട്ടില്‍ ഗോള്‍ നേടി ഉഡിനീസിന് ലീഡ് നേടി കൊടുത്തത്.റോമ താരം റെഡ് കാര്‍ഡ് കണ്ടു പുറത്തായതും അവര്‍ക്ക് തിരിച്ചടിയായി.ഉഡിനീസിന് വേണ്ടി രണ്ടാം ഗോള്‍ നേടിയത് ലിജാവ് നേസ്റ്റെറോക്സ്കി ആണ്.
