തിരിച്ച് പിടിക്കിമോ ഒന്നാം സ്ഥാനം റയല്‍ മാഡ്രിഡ് ???
തങ്ങള്‍ക്ക് നഷ്ട്ടപ്പെട്ട ഒന്നാം സ്ഥാനം തിരിച്ചുപിടിക്കാന്‍ സിദാനും പിള്ളേരും നാളെ ഇറങ്ങും.എതിരാളികള്‍ പോയിന്‍റ് പട്ടികയില്‍ ഇരുപതാം സ്ഥാനമുള്ള എസ്പ്യാനോള്‍ ആണ്.ഇന്ത്യന്‍ സമയം നാളെ രാവിലെ ഒന്നരക്കാണ് മല്‍സരം.എസ്പ്യാനോള്‍ ഹോം ഗ്രൌണ്ടായ കോര്‍നെല്ല എല്‍ പ്രാട്ട് സ്റ്റേഡിയത്തില്‍ വച്ചാണ് മല്‍സരം.
ഇന്നലത്തെ മല്‍സരത്തില്‍ ബാഴ്സലോണ സമനിലയില്‍ കുരുങ്ങിയെങ്കിലും ഒന്നാം സ്ഥാനത്താണ് അവരിപ്പോള്‍.നാളത്തെ മല്‍സരത്തില്‍ റയല്‍ തോല്‍വി ഒഴിവാക്കുകയാണെങ്കില്‍ ഒന്നാം സ്ഥാനം അവര്‍ക്ക് തിരിച്ചുപിടിക്കാം.തരംതാഴത്തല്‍ ഭീഷണിയില്‍ നിന്നും രക്ഷപെടുക എന്നതായിരിക്കും എസ്പ്യാനോളിന്‍റെ ലക്ഷ്യം.ആരാധകര്‍ ഉറ്റുനോക്കുന്നത് റയല്‍ മാഡ്രിഡ് കോച്ച് സിനദീന്‍ സിദാന്‍ ആദ്യ ഇലവനില്‍ ആരെ ഉള്‍പ്പെടുത്തും എന്നതായിരിക്കും.കഴിഞ്ഞ മല്‍സരത്തില്‍ സിദാന്‍ ടീമില്‍ പുതിയ മാറ്റങ്ങള്‍ കൊണ്ടുവന്നത് മികച്ച രീതിയില്‍ വിജയിച്ചത് നാം കണ്ടതാണ്.
