ഒന്നാം സ്ഥാനം തിരിച്ചുപിടിക്കാന്‍ ബാഴ്സലോണ
ലാലിഗയില്‍ തങ്ങള്‍ക്ക് നഷ്ട്ടപ്പെട്ട ഒന്നാം സ്ഥാനം തിരിച്ചുപിടിക്കാന്‍ ബാഴ്സലോണ ഇന്നിറങ്ങും.സെല്‍റ്റ വിഗോയാണ് ബാഴ്സയുടെ എതിരാളികള്‍.സെല്‍റ്റ വിഗോയുടെ ഹോം ഗ്രൌണ്ടായ മുന്‍സിപ്പല്‍ ഡേ ബലൈദോസില്‍ വച്ചാണ് മല്‍സരം നടക്കുന്നത്.പോയിന്‍റ് പട്ടികയില്‍ പതിനാറാം സ്ഥാനത്താണ് സെല്‍റ്റ വിഗോ ഇപ്പോഴൂള്ളത്.
ബാഴ്സലോണ ഇന്നതെ മല്‍സരത്തിന് ഏതൊക്കെ താരങ്ങളെ ആദ്യ ഇലവനില്‍ ഉള്‍പ്പെടുത്തും എന്നത് ആരാധകര്‍ ഉറ്റുനോക്കുന്ന ഒരു കാര്യമാവും.എന്തെന്നാല്‍ കഴിഞ്ഞ മല്‍സരത്തില്‍ ലെഫ്റ്റ് വിങ്ങില്‍ ഗ്രീസ്മാന്‍ നിറം മങ്ങിയപ്പോള്‍ പകരം വന്ന അന്‍സസു ഫാട്ടി മികച്ച പ്രകടനം പുറത്തെടുത്തിരുന്നു.സുവാരസ് തീര്‍ത്തൂം നിരാശപ്പെടുത്തിയ പ്രകടനമാണ് കാഴ്ച്ചവച്ചത്.ആര്‍തര്‍ ആകട്ടെ വെറും സൈഡ് പാസ്,മൈനസ് പാസ് എന്നിവ നല്‍കി ബാഴ്സയുടെ ആക്രമണത്തിന്‍റെ മൂര്‍ച കുറക്കുകയും ചെയ്തിരുന്നു.അദ്ദേഹത്തിന് പകരം വന്ന റിക്കി പൂജ് വളരെ നല്ല പ്രകടനം കാഴ്ച്ച വച്ചതും മല്‍സരത്തില്‍ ശ്രദ്ധേയമായി.
