പ്രീമിയര്‍ ലീഗില്‍ ഇന്ന് ആസ്റ്റന്‍ വില്ല vs വോള്‍വ്സ് മല്‍സരം
ഇന്ത്യന്‍ സമയം ഇന്ന് വൈകിയിട്ട് അഞ്ച് മണിക്ക് ആസ്റ്റന്‍ വില്ലയുടെ ഹോം ഗ്രൌണ്ടായ വില്ല പാര്‍ക്കില്‍ ആസ്റ്റന്‍ വില്ല vs വോള്‍വ്സ് മല്‍സരം നടക്കും.പ്രീമിയര്‍ ലീഗ് പോയിന്‍റ് ടേബളില്‍ പത്തൊന്‍പതാം സ്ഥാനത്തുള്ള ആസ്റ്റന്‍വില്ല നേരിടുന്നത് ആറാം സ്ഥാനത്തുള്ള വോള്‍വ്സിനെയാണ് നേരിടുന്നത്.ഈ സീസണില്‍ ഇതിന് മുന്നേ ഇരു ടീമുകളും ഏറ്റുമുട്ടിയപ്പോള്‍ വിജയം വോള്‍വ്സിനൊപ്പം ആയിരുന്നു.
അന്ന് ഒന്നിനെതിരെ രണ്ട് ഗോളുകള്‍ക്കാണ് വോള്‍വ്സ് ജയിച്ചത്. കോറോണയുടെ നീണ്ട ഇടവേളക്ക് ശേഷം തിരിച്ചെത്തിയ ആസ്റ്റന്‍ വില്ല ഭേദപ്പെട്ട പ്രകടനമാണ് കാഴ്ച്ചവച്ചത്.ന്യൂ കാസില്‍, ഷെഫീല്‍ഡ് യുണൈറ്റഡ് ടീമുകളുമായി സമനില പിടിക്കാന്‍ അവര്‍ക്കായി.വോള്‍വ്സിന്‍റെ കാര്യം പറയുകയാണെങ്കില്‍ തികഞ്ഞ ആത്മവിശ്വാസത്തോടെ ആയിരിക്കും അവര്‍ ഈ മല്‍സരത്തിനിറങ്ങുക.ഇടവേളക്ക് ശേഷമുള്ള രണ്ട് മല്‍സരങ്ങളും അവര്‍ വിജയിച്ചതാണ്.
