ചെല്‍സിക്ക് വിജയം,പ്രീമിയര്‍ ലീഗ് കിരീടം ലിവര്‍പൂള്‍ നേടി
ഇന്ന് രാവിലെ സ്റ്റാംഫോര്‍ഡ് ബ്രിഡ്ജില്‍ നടന്ന മല്‍സരത്തില്‍ മാഞ്ചെസ്റ്റെര്‍ സിറ്റിയെ മുട്ടുകുതിച്ച് ലംപാര്‍ഡിന്‍റെ നീലപട.ഒന്നിനെതിരെ രണ്ടു ഗോളുകള്‍ക്കാണ് ചെല്‍സി വിജയം കണ്ടത്.ജയിച്ചത് ചെല്‍സി ആണെങ്കിലും അത് കൊണ്ട് നേട്ടം ഉണ്ടാക്കിയത് ലിവര്‍പൂളാണ്.സിറ്റി തോറ്റതോടെ ഒന്നാം സ്ഥാനം ലിവര്‍പൂളിന്‍റെ കൈയില്‍ ഭദ്രം ആണ്.ഇനിയുള്ള എല്ലാ മല്‍സരങ്ങളും തോറ്റാലും കിരീടം ലിവര്‍പൂളിന് എന്ന അവസ്ഥയാണിപ്പോള്‍.
ഇന്നലത്തെ മല്‍സരത്തില്‍ ക്രിസ്റ്റ്യന്‍ പുലിസിച്ച്,വില്യന്‍ എന്നിവര്‍ ചെല്‍സിക്കായി ഗോള്‍ നേടിയപ്പോള്‍ മാഞ്ചെസ്റ്റര്‍ സിറ്റി മിഡ് ഫീല്‍ഡര്‍ കെവിന്‍ ഡി ബ്രൂയിന അവരുടെ ഏക ഗോളിന് അര്‍ഹനായി.മല്‍സരത്തില്‍ സിറ്റി താരം ഫെര്‍ണാന്‍ഡിഞ്ഞോ റെഡ് കാര്‍ഡ് കണ്ടു പുറത്തായതും അവര്‍ക്ക് തിരിച്ചടിയായി.ഈ സീസണിലെ ഇരു ടീമുകളും ഏറ്റുമുട്ടിയ ആദ്യ മല്‍സരത്തില്‍ വിജയം സിറ്റിക്കൊപ്പം ആയിരുന്നു.
