തോല്‍വിയില്‍ നിന്നും കരകയറാന്‍ ആഴ്സണല്‍
പ്രീമിയര്‍ ലീഗില്‍ ഇന്ന് സതാംപ്റ്റന്‍ vs ആഴ്സണല്‍ മല്‍സരം.സതാംപ്റ്റന്‍ ഹോം ഗ്രൌണ്ടായ സെന്‍റ് മേരീസ് സ്റ്റേഡിയത്തില്‍ വച്ചാണ് മല്‍സരം നടക്കുന്നത്.നീണ്ട ഇടവേളക്ക് ശേഷം ഗ്രൌണ്ടില്‍ ഇറങ്ങിയ ആഴ്സണലിന് കിട്ടിയ തുടക്കം അത്രക്ക് ആശാവഹം ആയിരുന്നില്ല.ആദ്യത്തെ മല്‍സരത്തില്‍ മാഞ്ചെസ്റ്റര്‍ സിറ്റിയോട് മൂന്ന് ഗോളുകള്‍ക്ക് തോല്‍ക്കുകയും പോയിന്‍റ് ടെബളില്‍ പതിനഞ്ചാം സ്ഥാനത്തുള്ള ബ്രൈറ്റനോട് തോറ്റത്തും അവര്‍ക്ക് വലിയ തിരിച്ചടിയായി.
ഇപ്പോള്‍ പതിനൊന്നാം സ്ഥാനതാണ് ആഴ്സണല്‍ ഉള്ളത്.ഈ മല്‍സരത്തില്‍ ക്ലബിന്‍റെ പ്രകടനം പുതിയ കോച്ച് മൈക്കല്‍ അര്‍ട്ടേറ്റയുടെ മാനേജര്‍ സ്ഥാനത്തിന് ഭീഷണി ആകുമോ എന്ന് കണ്ടറിയണം.തിരിച്ചുവരവ് ഗംഭീരമാക്കിയാണ് സതാംപ്റ്റന്‍ ആഴ്സണലുമായുള്ള മല്‍സരത്തിനിറങ്ങുന്നത്.നോര്‍വിച്ച് സിറ്റിക്ക് എതിരെയുള്ള മല്‍സരത്തില്‍ എതിരിലാത്ത മൂന്ന് ഗോളുകള്‍ക്കാണ് അവര്‍ വിജയിച്ചത്.
