വിജയം റയല്‍ തിരികെ ഒന്നാം സ്ഥാനത്ത്
ഇന്ന് രാവിലെ നടന്ന മല്‍സരത്തില്‍ വിജയം കൈവരിച്ച് തങ്ങളുടെ ഒന്നാം സ്ഥാനം തിരിച്ചുപിടിച്ച് റയല്‍ മാഡ്രിഡ് കരുത്ത് കാട്ടി.എതിരിലാത്ത രണ്ട് ഗോളുകള്‍ക്കാണ് റയല്‍ മാഡ്രിഡ് മല്ലോര്‍ക്കയ്കെതിരെ വിജയം കൈവരിച്ചത്.വിനിഷ്യസ് ജൂണിയര്‍,സെര്‍ജിയോ റാമോസ് എന്നിവരാണ് റയലിന് വേണ്ടി ഗോള്‍ നേടിയത്.പല മാറ്റങ്ങള്‍ വരുത്തിയാണ് സിദാന്‍ ഫസ്റ്റ് ടീമിനെ ഇറക്കിയത്.
ക്രൂസ്,കസേമിരോ എന്നിവരെ പുറത്തിരുത്തിയ അദ്ദേഹം ഗരെത്ത് ബെയില്‍,ഏദന്‍ ഹസാര്‍ഡ് എന്നിവരെ ആദ്യ ടീമില്‍ ഇറക്കുകയും ചെയ്തു.ലൂക്കാ മോഡ്രിച്ച് നല്‍കിയ അസിസ്റ്റില്‍ വിനിഷ്യസാണ് റയലിന് വേണ്ടി ആദ്യ ഗോള്‍ നേടിയത്.മല്‍സരം ആദ്യ പകുതിക്ക് പിരിയുമ്പോള്‍ സ്കോര്‍ 1-0.പിന്നീട് രണ്ടാം പകുതിയില്‍ അടുത്ത ഗോള്‍ നേടി റാമോസ് റയലിന് മല്‍സരത്തില്‍ ആധിപത്യം നേടി കൊടുത്തു.
