തിരിച്ച് വരവ് ഗംഭീരമാക്കി റയല്‍ മാഡ്രിഡ്
ലാലിഗ കിരീടം അങ്ങനെയൊന്നും വിട്ടുനല്‍കിലെന്ന് നയം വ്യക്തമാക്കി റയല്‍ മാഡ്രിഡ്.ഇന്നലെ ആല്‍ഫ്രഡ് ഡി സ്റ്റെഫാനോ സ്റ്റേഡിയത്തില്‍ നടന്ന മല്‍സരത്തില്‍ ഒന്നിനെതിരെ മൂന്ന് ഗോളുകള്‍ക്ക് വിജയിച്ചു.അവരുടെ സ്റ്റാര്‍ പ്ലേയര്‍ ആയ ഹസാര്‍ഡ് തിരിച്ചുവന്ന മല്‍സരം കൂടിയാണ് ഇന്നലത്തേത്.വിജയത്തോടെ പോയിന്‍റ് ടെബളില്‍ രണ്ടാം സ്ഥാനം റയല്‍ മാഡ്രിഡ് നിലനിര്‍ത്തുകയും ചെയ്തു.ബാഴ്സക്കു രണ്ട് പോയിന്‍റിന് പുറകില്‍ ആണ് റയല്‍ ഇപ്പോള്‍.
തുടക്കം മുതല്‍ ആക്രമിച്ചു കളിച്ച സിദാന്റെ പിള്ളേര്‍ നാലാം മിനുട്ടില്‍ തന്നെ ആദ്യ ഗോള്‍ നേടി.ടോണി ക്രൂസിന്‍റെ ബോക്സിന് വെളിയില്‍ നിന്നും നേടിയ ലോങ് റേഞ്ചര്‍ ഐബര്‍ ഗോള്‍ ഗോള്‍കീപ്പറായ മാര്‍ക്ക് ടീമിത്രോവിച്ച് കണ്ടത് പോലുമില്ല.ആദ്യ പകുതിയില്‍ തന്നയാണ് മൂന്ന് ഗോളുകളും റയല്‍ നേടിയത്.ഐബറിന്റെ ആശ്വാസ ഗോള്‍ നേടിയത് പെഡ്രോ ബിഗാസാണ്.
