മരിയോ ഗോട്ട്സേ സ്പാനിഷ് ലീഗില്‍ തിളങ്ങും-ടെര്‍ സ്ട്രഗന്‍
ജര്‍മന്‍ താരമായ മരിയോ ഗോട്ട്സേ സ്പാനിഷ് ലീഗില്‍ പച്ച പിടിക്കുമെന്ന് ബാഴ്സലോണ ഗോള്‍ കീപ്പര്‍ ആന്ദ്രെ ടെര്‍ സ്ട്രഗന്‍.പന്ത് കൈവശം വക്കാനുള്ള ടെക്നിക്കല്‍ എബിലിറ്റി ഗോട്ട്സെയ്ക്ക് ഉണ്ട് എന്നാണ് ടെര്‍ സ്ട്രഗന്‍റെ വാദം.ഈ സമ്മറില്‍ കോണ്‍ട്രാക്റ്റ് കാലാവധി തീരുന്ന ഗോട്ട്സേ ഇനി മുതല്‍ ഫ്രീ ഏജന്‍റാണ്.
2017 ല്‍ ബയേണ്‍ മ്യൂണിക്കില്‍ നിന്നും ഡോര്‍ട്ട്മുണ്ടിലേക്ക് തിരിച്ചെത്തിയ ഗോട്ട്സേയുടെ പ്രകടനം അത്ര മികച്ചതായിരുന്നില്ല.മസില്‍ ഡിസോര്‍ഡര്‍ എന്ന രോഗം വന്നതിന് ശേഷം പണ്ടത്തെ ഫോമിലെത്താന്‍ അദ്ദേഹത്തിന് ഇതുവരെ കഴിഞ്ഞിട്ടില്ല.പന്ത് കൈകാര്യം ചെയ്യാനും ഗെയിം മുന്നോട്ട് കൊണ്ടുപോകാനും കഴിയുന്ന കളിക്കാരനാണ് മരിയോ. അദ്ദേഹം തീർച്ചയായും സ്പാനിഷ് ലീഗിൽ തിളങ്ങും.” ജര്‍മന്‍ താരം ഡസന്‍ പോഡ്കാസ്റ്റില്‍ പറഞ്ഞു.
