മെയ് പകുതിയില് തുടങ്ങാന് ബുണ്ടസ്ലിഗ
ജർമൻ ചാൻസലർ ഏഞ്ചല മെർക്കൽ ബുണ്ടസ്ലിഗ ഫുട്ബോള് “മെയ് രണ്ടാം പകുതിയിൽ” പ്രവർത്തനത്തിലേക്ക് മടങ്ങിവരുമെന്ന് പ്രഖ്യാപിച്ചു.കർശനമായ നിയമങ്ങൾ പാലിക്കുന്നിടത്തോളം കാലം ജർമ്മൻ ഫുട്ബോള് പുനരാരംഭിക്കുമെന്ന് മെർക്കൽ ബുധനാഴ്ച പത്രസമ്മേളനത്തിൽ പറഞ്ഞു.
വാർത്തകൾ അർത്ഥമാക്കുന്നത് ജര്മന് ഫുട്ബോള് ലീഗിന് അവര് തീരുമാനിച്ചുറപ്പിച്ച അവരുടെ ഷെഡ്യൂളുകളുമായി മുന്നോട്ട് പോകാൻ കഴിയും എന്നാണ്.സ്പോർട്ട് ഇൻഫർമേഷൻ സർവീസ് (എസ്ഐഡി) മെയ് 15 നു ലീഗ് ആരംഭിക്കാമെന്ന് സ്ഥിരീകരിക്കുന്നു.ലീഗുകൾ മുന്നോട്ടുവച്ച സുരക്ഷാ പദ്ധതി വായിച്ച്നോക്കിയ ശേഷം മെർക്കൽ മാധ്യമങ്ങളോട് പറഞ്ഞു: “അംഗീകൃത നിയമപ്രകാരം മത്സരങ്ങൾ കളിക്കാൻ അനുവാദമുണ്ട്” എന്ന്.ജർമനി ക്രമേണ ലോക്ക്ഡൌണ് അവസ്ഥ ഇല്ലാതാക്കുന്നതിന്റെ ഭാഗമായാണ് തീരുമാനം.ബുണ്ടസ്ലിഗ മല്സരങ്ങള് മാത്രമല്ല ഡിഎഫ്ബി കപ്പും നടത്താന് ശ്രമിക്കുമെന്നും ജര്മന് ഫുട്ബോള് അസോസിയേഷന് പറഞ്ഞു.
