അടുത്ത ആഴ്ചയില്‍ ട്രെയിനിങ് തുടങ്ങാന്‍ റോമ
കൊറോണ വൈറസ് പകർച്ചവ്യാധികൾക്കിടയിൽ അടുത്തയാഴ്ച റോമ പരിശീലന പ്രവർത്തനങ്ങൾ പുനരാരംഭിക്കുമെന്ന് ടീം വക്താക്കള്‍ അറിയിച്ചു.സർക്കാരിന്‍റെ നിലവിലുള്ള ലോക്ക് ഡൌണ്‍ നടപടികൾ അവസാനിച്ചതിന്റെ പിറ്റേന്ന് മെയ് 18 ന് ഇറ്റലിയിലെ എല്ലാ ടീമുകളും പരിശീലനത്തിലേക്ക് മടങ്ങും, എന്നാൽ ക്ലബുകള്‍ നേരത്തെ തന്നെ പരിശീലനം ആരംഭിക്കും.
പരിശീലനം തുടങ്ങും എന്ന് ഏറ്റവും ആദ്യം പ്രഖ്യാപിച്ചത് സസുവോളോയാണ്. ശനിയാഴ്ച തങ്ങളുടെ ക്ലബ് താരങ്ങള്‍ പരിശീലനം ആരംഭിക്കുമെന്ന് സസ്സുവോളോ വക്താക്കള്‍ പറഞ്ഞിരുന്നു.പരിശീലനത്തിന് ഇടയിലും സാമൂഹിക അകലം പാലിക്കൽ നിയമങ്ങൾ പാലിക്കേണ്ടതുണ്ട്.എല്ലാ കളിക്കാരെയും ശാരീരികമായി പരിശോധിച്ച ശേഷം എല്ലാവരെയും പരിശീലനത്തില്‍ പങ്ക് എടുപ്പിക്കും.ട്രിഗോറിയ ട്രെയിനിങ് സെന്‍ററില്‍ ആയിരിക്കും റോമ താരങ്ങള്‍ തങ്ങളുടെ പരിശീലനം നടത്തുക എന്നും ക്ലബ് അധികൃതര്‍ വ്യക്തമാക്കി.
