പിഎസ്ജി ലീഗ് 1 ചാമ്പ്യന്മാര്‍,പരാജയത്തിന്‍റെ പടുകുഴിയില്‍ വീണ് ലിയോണ്‍ എഫ്സി
ഫ്രഞ്ച് ലീഗ് 1 ചാംപ്യന്‍മരായി പിഎസ്ജിയെ പ്രഖ്യാപിച്ചു.കുറച്ച് ദിവസം മുന്നേ ഫ്രഞ്ച് ലീഗ് സീസണ്‍ നിര്‍ത്തിയതായി ലീഗ് 1 ഭരണാധികരികള്‍ പ്രഖ്യാപിച്ചിരുന്നു.മെയ് പതിനൊന്നിന് ഫ്രഞ്ച് ഭരണകൂടം നിലവിലുള്ള ലോക്ക് ഡൌണ്‍ പിന്‍വലിക്കുകയുള്ളൂ. ഈ കഴിഞ്ഞ ചൊവാഴ്ചയില്‍ ഫ്രാന്‍സില്‍ ഏത് കായിക മല്‍സരങ്ങളും സെപ്റ്റംബര്‍ വരെ നടക്കില്ല എന്നു പ്രഖ്യാപിച്ചതിന് ശേഷം ആണ് ലീഗ് 1 നിര്‍ത്തിയതായി അധികാരികള്‍ പറഞ്ഞത്.
പോയിന്‍റ് ടെബളില്‍ രണ്ടാം സ്ഥാനത്തുള്ള മരിസലിയേക്കാള്‍ പന്ത്രണ്ട് പോയിന്‍റിന്‍റെ വ്യക്തമായ ലീഡ് പിഎസ്ജിക്കുണ്ട്.വ്യാഴാഴ്ച്ച നടന്ന വോട്ടെടുപ്പില്‍ ഫ്രഞ്ച് ലീഗ് 1 ചാംപ്യന്‍മരായി പിഎസ്ജിയെ പ്രഖ്യാപിക്കാന്‍ ഉത്തരവായി.അടിപ്പിച്ച് മൂന്ന് സീസണുകളായി ലീഗ് 1 വിജയികളാവുകയാണ് പിഎസ്ജി.ഏഴാം സ്ഥാനത്തുള്ള ലിയോണ്‍ അടുത്ത സീസണില്‍ യൂറോപ്യന്‍ ലീഗ് കളിക്കുവാനുള്ള യോഗ്യത നേടാത്തതും വാര്‍ത്തകളില്‍ ഇടം നേടി.
