പഴി കേട്ട് മടുത്തതിനാല്‍ ക്ലബ് വിടാന്‍ താന്‍ ഉദേശിച്ചിരുന്നതായി ചെൽസി മിഡ്ഫീൽഡർ ജോർജിഞോ
സ്റ്റാംഫോർഡ് ബ്രിഡ്ജിൽ തന്റെ ആദ്യ സീസണിൽ തന്നെ ക്ലബ് വിടുന്നത് പരിഗണിച്ചതായി ചെൽസി മിഡ്ഫീൽഡർ ജോർജിഞോ.മാനേജർ മൗറീഷ്യോ സാരിക്കൊപ്പം നാപോളിയിൽ നിന്ന് ക്ലബിലെത്തിയ ജോർജിഞോ 2018-19 കാമ്പെയ്‌നിന് മുമ്പ് ബ്ലൂസിൽ ചേർന്നു.സാരി കളിക്കാൻ ആഗ്രഹിക്കുന്ന രീതിയിൽ ഇറ്റലി ഇന്റർനാഷണൽ സുപ്രധാനമായി കണക്കാക്കപ്പെട്ടിരുന്നു, എന്നാൽ ഇറ്റാലിയൻ മാനേജരുടെ ഇഷ്ട ശൈലിയിൽ പൊരുത്തപ്പെടാൻ ബ്ലൂസ് പലപ്പോഴും പാടുപെട്ടു.
സാരി എങ്കാളൊ കാന്‍റയ്ക്ക് പകരം ജോർജിഞോയെ ഒരു മിഡ്ഫീൽഡ് റോളിൽ ഉപയോച്ചത് നിരവധി ചെൽസി ആരാധകരെ പ്രകോപിപ്പിച്ചു.“കഴിഞ്ഞ വർഷം, ആരാധകർ എന്നെ വളരെയധികം വേദനിപ്പിച്ചിരുന്നു, കാരണം ഞാൻ മറ്റൊരു മാനേജറുമൊത്ത് എത്തിയിയതിനാലാണ് , അന്യായമായ ചില പഴികളും ഞാൻ കേള്‍ക്കേണ്ടി വന്നു അതിന് ശേഷം താന്‍ ക്ലബ് വിടുന്നതിനെ കുറിച്ച് കാര്യമായി ചിന്തിച്ചുവെന്നും ” 28 കാരൻ ഫോർഫോർ റ്റൂയോട് പറഞ്ഞു.എന്നാല്‍ ഇപ്പോളത്തെ മാനേജര്‍ ഫ്രാങ്ക് ലംപര്‍ഡില്‍ താന്‍ വിശ്വസ്തന്‍ ആണെന്നും അദ്ദേഹം മികച്ച കോച്ച് ആണെന്നും ജോർജിഞോ കൂട്ടിച്ചേര്‍ത്തു.
