പന്തിൽ അസാമാന്യ അടക്കവും പ്രതിഭയും തെളിയിച്ച താരം, 12ാം വയസ്സിൽ ലോകഫുട്​ബാൾ നഴ്​സറിയായ സാവോപോളോയിലെത്തി. ആറുവർഷം യൂത്ത്​ ടീമി​​​​​െൻറ നിർണായക സാന്നിധ്യം. 2001ൽ സീനിയർ ടീമിൽ അരങ്ങേറു​േമ്പാഴേക്കും നല്ലകാലം തെളിഞ്ഞു. ദേശീയ സീനിയർ ടീമിലേക്കും, യൂറോപ്പിലേക്കുമുള്ള വിളികൾ. 2002 ലോകകപ്പ്​ നേടിയ ബ്രസീൽ ടീമി​​​​​െൻറ ഭാഗമായതോടെ കക്കായെന്ന കൗമാരക്കാരനെ ലോകം തിരിച്ചറിഞ്ഞു. പിന്നെകണ്ടത്​ അവിശ്വസനീയമായ ജൈത്രയാത്ര. റിവാൾഡോക്കും റൊണാൾഡീന്യോക്കും ശേഷം പത്താം നമ്പർ ജഴ്​സിയിലെ മഞ്ഞക്കുപ്പായക്കാരനായി. 2016 വരെ കാനറികളുടെ ടീമിനൊപ്പം. 92 കളിയിൽ 29 ഗോളുകൾ. 2003ൽ മിലാനിലെത്തി ​നീണ്ട ആറു വർഷം ഇറ്റാലിയൻ സംഘത്തി​​​​​െൻറ വിശ്വസ്​തനുമായി. സീരി ‘എ’, ചാമ്പ്യൻസ്​ ലീഗ്​, സൂപ്പർ കപ്പ്​, ക്ലബ്​ ലോകകപ്പ്​ കിരീടങ്ങൾ ഇതിനിടെ മിലാന്​ സമ്മാനിച്ചു. 2009 വരെ 193 കളിയിൽ 70​ ഗോളുകൾ. 2005,2009 കോൺഫെഡറേഷൻ കപ്പുകളിൽ ബ്രസീലിനെ ചാമ്പ്യന്മാരാക്കുന്നതിൽ കക്കാ വഹിച്ച പങ്ക് നിസ്തുലമാണ്..

മാന്യനായ കക്കാ

ലാറ്റിനമേരിക്കൻ സൗന്ദര്യാത്​മക ഫുട്​ബാളി​​​​​െൻറ അവസാന തലമുറയിലെ കണ്ണികൂടിയായിരുന്നു കക്കാ. അസാമാന്യ വേഗത, എതിർ നി​രയെ കബളിപ്പിച്ച്​ മുന്നേറാനുള്ള മിടുക്ക്​, ഡ്രിബ്ലിങ് പാടവം, കളിക്കളത്തിലെ ക്ഷമാശീലൻ, കൂട്ടുകാരെകൊണ്ട്​ ഗോളടിപ്പിക്കാൻ മിടുക്കൻ…. അങ്ങനെ സവിശേഷതകൾ നിറഞ്ഞതായിരുന്നു കക്കായിലെ ഫുട്ബോൾ താരം.ഒന്നരപതിറ്റാണ്ട്​ കരിയറിൽ ഒരു തവണ മാത്രമേ നേരിട്ട്​ ചുവപ്പുകാർഡ്​കണ്ട്​ പുറത്തുപോവേണ്ടി വന്നുള്ളൂ. അതും സായംസന്ധ്യയിൽ അഭയംതേടിയ ഒർലാൻഡോ ജഴ്​സിയിൽ (2015) കളിക്കവെ. അതിനു മുമ്പ്​ രണ്ടു തവണ മാത്രം മഞ്ഞക്കാർഡിനെ തുടർന്ന്​ സസ​്​പെൻഷനിലായി. ഒരിക്കൽ റയൽ ജഴ്​സിയിലും മറ്റൊരിക്കൽ ബ്രസീൽ കുപ്പായത്തിലും. ‘കളിക്കാരനായില്ലെങ്കിൽ ലോകമെങ്ങും ദൈവ വചനമെത്തിക്കുന്ന പുരോഹിതനാവുമായിരുന്നു. സമാധാനവും സ്​നേഹവുമാണ്​ എ​​​​​െൻറ വഴിയെന്ന്​ വിശ്വസിക്കുന്നു’ -ടി.വി അഭഅഭിമുഖക്കാർക്ക് നൽകിയ മറുപടിപോലെ കളിക്കളത്തിൽ സ്​നേഹവും സമാധാനവും പടർത്തി 2017 ഡിസംബർ 8 ന് ആ ഇതിഹാസതാരം തന്റെ ബൂട്ടഴിച്ചു..
മധ്യനിരയിലെ മാന്ത്രികന്….ഫുട്ബോളിലെ അതുല്ല്യ പ്രതിഭയ്ക്ക് ഒരായിരം പിറന്നാൾ ആശംസകൾ

Happy birthday legend
#Feliz Anniversario Ricardo Kaka