അവ്ബ്മെയെങ് യുണൈറ്റഡിലേക്ക് പോകുന്നത് നല്ലതല്ല,എപ്പോഴും അക്കര പച്ചയാവണം എന്നില്ല;പോള്‍ മെഴ്സണ്‍
ആഴ്സണല്‍ താരം അവ്ബ്മെയെങ് മാഞ്ചെസ്റ്റര്‍ യുണൈറ്റഡിലേക്ക് പോകുന്നത് അദ്ദേഹത്തിന് നല്ല ഒരു തീരുമാനം അയേക്കില്ല എന്ന് മുന്‍ ആഴ്സണല്‍ താരം പോള്‍ മെഴ്സണ്‍.എപ്പോഴും അക്കര പച്ചയാവണം എന്നില്ല.ട്രാന്‍സ്ഫര്‍ അടുക്കുമ്പോള്‍ അവ്ബ്മെയെങ് യുണൈറ്റഡിലേക്ക് പോകുമെന്നുള്ള വാര്‍ത്തകള്‍ ഉണ്ടായിരുന്നു.അവ്ബ്മെയെങിന് ഇനി കോണ്‍ട്രാക്റ്റ് തീരാന്‍ 12 മാസം കൂടിയുണ്ട്.
ഇതിന് മുന്നേ ആഴ്സണല്‍ താരങ്ങളായിരുന്ന വന്‍ പേഴ്സി,അലക്സിസ് സാഞ്ചസ് എന്നിവരെ മാഞ്ചസ്റ്റര്‍ യുണൈറ്റഡ് വാങ്ങിയിരുന്നു.ട്രോഫികള്‍ നേടാന്‍ വേണ്ടിയാണ് അവ്ബ്മെയെങ് യുണൈറ്റഡിലേക്ക് പോകുന്നതെങ്കില്‍ അത് അസാധ്യമാണ്.എന്തെന്നാല്‍ ഇപ്പോള്‍ ലിവര്‍പ്പൂള്‍,മാഞ്ചെസ്റ്റര്‍ സിറ്റി എന്നീ ടീമുകള്‍ മികച്ച ഫോമിലാണ്,അവരെ പിന്തള്ളി മൂന്നാമതൊരു ടീം പ്രീമിയര്‍ ലീഗ് കിരീടം നേടുന്നത് അസാധ്യമാണ്.സ്പാനിഷ് വമ്പന്‍ മാരായ ബാഴ്സലോണയും അവ്ബ്മെയെങിനെ വാങ്ങുമെന്ന് വാര്‍ത്തകള്‍ ഉണ്ടായിരുന്നു.
