ടോളിസോയേ ഒഴിവാക്കാന്‍ ബയേര്‍ണ്‍;താല്‍പര്യം പ്രകടിപ്പിച്ച് ആഴ്സണല്‍
ഫ്രഞ്ച് താരമായ കോറന്‍റിന്‍ ടോളിസോയേ ഈ സമ്മറില്‍ ഒഴിവാക്കാന്‍ ശ്രമിക്കുകയാണ് ജര്‍മന്‍ ക്ലബായ ബയേര്‍ണ്‍ മ്യൂണിക്ക്.വാര്‍ത്ത പുറത്ത് വിട്ടത് ഫ്രഞ്ച് സ്പോര്‍ട്ട്സ് മാധ്യമമായ ഫൂട്ട്മെര്‍ക്കാറ്റോയാണ്.25 വയസുള്ള താരത്തിനെ വാങ്ങാന്‍ ഇംഗ്ലീഷ് ക്ലബ് ആഴ്സണല്‍ മാത്രമേ മുന്നിട്ട് ഇറങ്ങിയിട്ടുള്ളൂ എന്നും വാര്‍ത്തകള്‍ ഉണ്ട്.
നിലവില്‍ ബയേര്‍ണ്‍ മ്യൂണിക്കുമായി ടോളിസോയ്ക്കു 2022 വരെ കരാര്‍ ഉണ്ട്.എന്നാല്‍ പുതിയ ബയേര്‍ണ്‍ കോച്ച് ഹാന്‍സി ഫ്ലിക്കിന്‍റെ ടീമില്‍ ടോളിസോയ്ക്ക് സ്ഥാനമില്ലത്രേ.2018 വേള്‍ഡ് കപ്പ് ജേതാക്കളായ ഫ്രാന്‍സ് ദേശീയ ടീമിലിടം നേടാന്‍ ടോളിസോയ്ക്ക് കഴിഞ്ഞിരുന്നു.ട്രാന്‍സ്ഫര്‍ മാര്‍ക്കറ്റില്‍ വേറെ അത്ഭുതങ്ങള്‍ ഒന്നും സംഭവിച്ചിലെങ്കില്‍ ആഴ്സണല്‍ തന്നെ ആയിരിക്കും ടോളിസോയേ വാങ്ങാന്‍ പോകുന്നത്.കൊറോണ മൂലം താരങ്ങളുടെ അടിസ്ഥാന മൂല്യമൊക്കെ കുറഞ്ഞിരിക്കുകയാണ്.സമ്മറില്‍ അറിയാം കൊറോണ എന്ത് മാത്രം ട്രാന്‍സ്ഫര്‍ മാര്‍ക്കറ്റിനെ പിടിച്ചുലച്ചെന്നു.
