സമ്മർ ട്രാൻസ്‌ഫർ അടുക്കുമ്പോൾ ഇനി വലിയ കളികൾ മാത്രം;
വിന്റർ ട്രാൻസ്‌ഫർ പൂർത്തിയായി.ഇനി വരാനുള്ളത് സമ്മർ ട്രാൻസ്ഫറാണ്.സമ്മർ ട്രാൻസ്‌ഫർ തുറക്കുന്നതിന് മുന്നേ തന്നെ ടീമുകളെയും കളിക്കാരെയും സംബന്ധിച്ചു വാർത്തകൾ പ്രചരിക്കുന്നത് സ്വാഭാവികം.ഇപ്പോൾ വന്ന വാർത്ത ലിവർപൂൾ താരമായ സാദിയോ മനെയെ സ്‌പാനിഷ്‌ ക്ലബായ റയൽ മാഡ്രിഡ് നോട്ടമിടുന്നുണ്ടെന്നാണ്.കൂടാതെ റയൽ കോച്ചായ സിദാൻ മാനേയുടെ ആരാധകൻ കൂടിയാണ്.
സെനഗൽ താരത്തിന് വേണ്ടി റയൽ എത്ര വലിയ തുക കൊടുക്കാനും തയാറാണ് എന്ന് വാർത്തകളുണ്ട്.മാനേയ്ക്ക് വേണ്ടി 130-140 മില്യൺ യൂറോ മുടക്കാൻ തയാറാണത്രേ.27 വയസുള്ള അദ്ദേഹം ഈ പ്രീമിയർ ലീഗ് സീസണിൽ 14 ഗോളുകൾ നേടി.ലിവർപൂൾ കോച്ചായ ക്ളോപ്പിന്റെ വിശ്വസ്‌തനായ കളിക്കാരനാണ് മാനേ.എന്നാൽ മാനേയുടെ പൊസിഷനിൽ കളിക്കാൻ റയലിന് ഇപ്പോൾ ധാരാളം കളിക്കാർ കൈവശമുണ്ട്.സത്യം എന്തെന്ന് അറിയണമെങ്കിൽ സമ്മർ ട്രാൻസ്‌ഫർ തുടങ്ങിയാലെ അറിയാൻ കഴിയൂ.
