ആൻഫീൽഡിൽ ഇന്ന് വിജയം തേടി ലിവർപൂൾ ഇറങ്ങും

തുടർപരാജയങ്ങൾക്ക് അറുതി വരുത്താൻ ലിവർപൂൾ ഇന്ന് സ്വന്തം തട്ടകമായ ആൻഫീൽഡിൽ ഇറങ്ങും. പോയിന്റ് ടേബിളിൽ 18ആം സ്ഥാനത്തുള്ള ബോൺമൗത്താണ് ലിവർപൂളിന്റെ എതിരാളികൾ. ഈ സീസണിൽ ഇരു ടീമുകളും ആദ്യം ഏറ്റുമുട്ടിയപ്പോൾ വിജയം അന്ന് ലിവർപൂളിനോപ്പം ആയിരുന്നു. എതിരില്ലാത്ത മൂന്ന് ഗോളുകൾക്കായിരുന്നു ലിവർപൂൾ വിജയം.

 

 

ഈ മത്സരത്തിന് ഇറങ്ങുമ്പോൾ ലിവർപൂളിന് ആശ്വസിക്കാനും ആശങ്കപ്പെടാനുമുള്ള കാര്യങ്ങളുണ്ട്. അവരുടെ ഗോൾ കീപ്പറായ ആലിസൺ ബെക്കർ പരിക്കിന്റെ പിടിയിലായത് കൊണ്ട് ടീമിൽ നിന്ന് പുറത്തായത് ലിവർപൂളിന് തലയ്‌ക്കേറ്റ പ്രഹരമാണ്. അലിസണ് പകരം അഡ്രിയാൻ ലിവർപൂളിന് വേണ്ടി  വല കാത്തേക്കും. ലിവർപൂൾ താരങ്ങളായ ജോ ഗോമസ്, ജെയിംസ് മിൽനെർ, നബി കേയ്റ്റ തിരിച്ചെത്തിയത് ആരാധകർക്ക് ആശ്വാസം പകരും.അടുത്ത  ആഴ്ച ലിവർപൂളിന് അത്ലറ്റിക്കോയുമായുള്ള രണ്ടാം പാത യുസിഎൽ  മത്സരമുണ്ട്.