മാഞ്ചെസ്റ്റർ യുണൈറ്റഡിനെ സമനിലയിൽ ഒതുക്കി എവർട്ടൻ എഫ്‌സി
ഇന്നലെ ഗൂഡിസൺ പാർക്കിൽ നടന്ന എവർട്ടൻ vs മാഞ്ചസ്റ്റർ യുണൈറ്റഡ് മത്സരം സമനിലയിൽ പിരിഞ്ഞു.ഇരു ടീമുകളും ഓരോ ഗോൾ വീതം നേടി.എവർട്ടണ് വേണ്ടി ഡൊമിനിക് കാൽവെർട്ട് ലെവിനും, മാഞ്ചെസ്റ്ററിന് വേണ്ടി ബ്രൂണോ ഫെർണാണ്ടസും സ്കോർ ചെയ്തു.പോയിന്റ് ടേബിളിൽ മാഞ്ചസ്റ്റർ യുണൈറ്റഡ് അഞ്ചും എവർട്ടനും പതിനൊന്നാം സ്ഥാനവും നിലനിർത്തി.
മത്സരം തുടങ്ങി മൂന്നാം മിനുട്ടിൽ തന്നെ എവർട്ടൻ അക്കൗണ്ട് തുറന്നു മാഞ്ചസ്റ്റർ യുണൈറ്റഡ് ഗോൾ കീപ്പർ ഡേവിഡ് ഡി ഗിയയുടെ അശ്രദ്ധ മൂലം കാൽവെർട്ട് ലെവിൻ ഗോൾ നേടി.31 ആം മിനുട്ടിൽ ഇതിന് മറുപടിയായി യുണൈറ്റഡ് താരം ബ്രൂണോ ഫെർണാണ്ടസ് ലോങ് റേഞ്ച് ഗോളിലൂടെ യുണൈറ്റഡിന് വേണ്ടി സമനില പിടിച്ചു.ഇരു ടീമുകളും വിജത്തിനായ് പോരാടിയെങ്കിലും സമനിലയിൽ തീരാനായിരുന്നു യോഗം.എക്സ്ട്രാ ടൈമിൽ എവർട്ടൻ നേടിയ ഗോൾ വാർ റദ്ദാക്കിയതും ശ്രദ്ദേയമായി.
