പ്രീമിയർ ലീഗിൽ 28ആം വാരത്തിനു തുടക്കം;ലെയ്‌സെസ്റ്റർ സിറ്റി അവസാന സ്ഥാനക്കാരായ നോർവിച്ച് സിറ്റിക്കെതിരെ
പ്രീമിയർ ലീഗിൽ നാളെ ഇന്ത്യൻ സമയം രാവിലെ ഒന്നരക്ക് നോർവിച്ച് സിറ്റി ഹോം ഗ്രൗണ്ടായ കാരോ റോഡിൽ പോയിന്റ് ടേബിളിൽ മൂന്നാം സ്ഥാനക്കാരായ ലെയ്‌സെസ്റ്റർ സിറ്റി ഇരുപതാം സ്ഥാനക്കാരായ നോർവിചിനെ നേരിടും.ഈ സീസണിൽ ഇതിന് മുന്നേ ഇരു ടീമുകളും ഏറ്റുമുട്ടിയപ്പോൾ സമനിലയായിരുന്നു ഫലം.അന്നത്തെ സ്കോർലൈൻ 1-1 ആയിരുന്നു.
ലെയ്‌സെസ്റ്റർ ഫോർവേഡ് ആയ കേലേച്ചി ഇഹിയനാച്ചോ കാൻക്യൂഷൻ പ്രോട്ടോകോൾ പാസ്സായി എന്നാണ് റിപ്പോർട്ടുകൾ.കേലേച്ചി ഇഹിയനാച്ചോ മാഞ്ചെസ്റ്റെർ സിറ്റിയുമായുള്ള മത്സരത്തിൽ തലയ്ക്കു പരിക്കേറ്റ് പുറത്തായിരുന്നു.മറ്റൊരു ലെയ്‌സെസ്റ്റർ താരമായ ഹംസ ചൗധുരി സസ്പെന്ഷൻ കഴിഞ്ഞു തിരിച്ചെത്തുന്നത് അവർക്ക് ആശ്വാസം പകരുന്നതാണ്.ലെയ്‌സെസ്റ്റർ സിറ്റിയുടെ പ്രതീക്ഷ അവരുടെ ഫോർവാർഡായ ജെയ്‌മി വാർഡിയിലാണ്.പ്രീമിയർ ലീഗ് ഗോൾഡൻ ബൂട്ട് റേസിൽ ഒന്നാമതാണ് ജെയ്‌മി വാർഡി.
