പി എസ് ജിക്കെതിരെ വിമർശനവുമായി നെയ്മർ

തന്റെ പരിക്കിനെ പരിഗണിക്കുന്ന പി എസ് ജി യുടെ രീതിയെ വിമർശിച്ച് സൂപ്പർ താരം നെയ്മർ രംഗത്ത്. അവസാനത്തെ ഏതാനും മത്സരങ്ങളിൽ കളിക്കാനനുവദിക്കാത്തതിനെയാണ് നെയ്മർ വിമർശിക്കുന്നത്. ഇന്നലെ ചാമ്പ്യൻസ് ലീഗിൽ ഡോർട്മുണ്ടിനെ നേരിടേണ്ടതിനാൽ അതിനു മുൻപുള്ള മത്സരങ്ങളിൽ നെയ്മറിന് വിശ്രമം വിധിച്ചിരുന്നു. എന്നാൽ തനിക്ക് ആ മത്സരങ്ങൾ കൂടി കളിക്കണമെന്നുണ്ടായിരുന്നു എന്നാണ് നെയ്മർ പറയുന്നത്.

താൻ ഇതു സംബന്ധിച്ച് ക്ലബുമായി സംസാരിച്ചു. കഴിഞ്ഞ മത്സരങ്ങളിൽ കളിക്കാത്തതിനാൽ ഇന്നലെ ഡോർട്മുണ്ടിനെതിരെയുള്ള മത്സരത്തിൽ തനിക്ക് മികവും കാഴ്ചവക്കാനായില്ല എന്നും നെയ്മർ പറയുന്നു. ഇന്നലെ ഡോർട്മുണ്ടിനോട് പി എസ് ജി പരാജയപ്പെട്ടിരുന്നു.