ഐപിഎല്‍ 2020 : ടീമുകളുടെ മത്സരക്രമം അറിയാം
ഐപിഎല്‍ ൽ ഈ വര്‍ഷത്തെ ടീമുകളുടെ മത്സരക്രമം പുറത്തുവിട്ടു. ആദ്യദിനമായ മാര്‍ച്ച് 29ന് ചാമ്പ്യന്മാരായ മുംബൈ ഇന്ത്യന്‍സും റണ്ണറപ്പായ ചെന്നൈ സൂപ്പര്‍കിങ്‌സും തമ്മിലായിരിക്കും ഏറ്റുമുട്ടിക. ഏതാനും ചില മാറ്റങ്ങളോടെയാണ് പുതിയ ഐപിഎല്‍ പതിമൂന്നാം സീസണിലെ മത്സരക്രമം. മുന്‍വര്‍ഷങ്ങളിലേതുപോലെ ഇത്തവണ ശനിയാഴ്ച രണ്ടുകളികൾ ഉണ്ടാവില്ല. എന്നാൽ, പതിവുപോലെ ആറു ഞായറാഴ്ചകളിലും രണ്ടു കളികൾ ഉണ്ടാവും.
ശനിയാഴ്ചകളിലെ രണ്ടുകളികള്‍ ഒഴിവാക്കിയതോടെ 44 ദിവങ്ങളില്‍നിന്നും 50 ദിവസങ്ങളായി ഐപിഎല്‍ ലീഗ് മത്സരങ്ങള്‍ ഉയരും. മെയ് 17ന് നടക്കുന്ന അവസാന ലീഗ് മത്സരത്തില്‍ റോയല്‍ ചാലഞ്ചേഴ്‌സ് ബാംഗ്ലൂര്‍ മുംബൈ ഇന്ത്യന്‍സുമായി ഏറ്റുമുട്ടും. നോക്കൗട്ട് മത്സരങ്ങളുടെ ക്രമം ഇതു വരെ പ്രഖ്യാപിച്ചിട്ടില്ല.
രാജസ്ഥാന്‍ റോയല്‍സ് ഒഴികെയുള്ള ടീമുകളുടെ ഹോം മൈതാനങ്ങളിൾക്ക് മാറ്റമുണ്ടാകില്ല.
