ആശ്വാസം ജയം തേടി ഇന്ത്യ: ഇന്ത്യ ന്യൂസിലൻഡ് മൂന്നാം ഏകദിനം ഇന്ന്
ഇന്ത്യയ്ക്കെതിരായ 5 മത്സരങ്ങളുള്ള ടി 20 പരമ്പരയിൽ 5-0 തോറ്റ ന്യൂസിലൻഡ്, 3 മത്സരങ്ങളുടെ ഏകദിന പരമ്പരയിൽ 2-0 ന് ലീഡ് നേടി മികച്ച തിരിച്ചുവരവാണ് നടത്തിയത്. ഇന്ത്യയ്ക്കെതിരായ ഏകദിന ക്രിക്കറ്റിലെ ആദ്യ വൈറ്റ്വാഷ് പൂർത്തിയാക്കുന്നതിൽ നിന്ന് ന്യൂസിലൻഡ് ഇപ്പോൾ ഒരു പടി മാത്രം അകലെയാണ്. ഇന്ന് കൂടി ജയിച്ചാൽ ന്യൂസിലൻഡിന് ടി20 പരമ്പരയിലെ തോൽവിക്ക് പകർവീട്ടാം. പരമ്പര ഇതിനകം നഷ്ടമായതിനാൽ, ടെസ്റ്റ് പരമ്പര മനസ്സിൽ വച്ചുകൊണ്ട് ഇന്ത്യൻ ടീം ചില വലിയ മാറ്റങ്ങൾ വരുത്താൻ സാധ്യതയുണ്ട്. തോളിൻറെ പരിക്കിൽ നിന്ന് കരകയറിയ ന്യൂസിലൻഡ് നായകൻ കെയ്ൻ വില്യംസൺ ഇന്ന് കളിക്കാൻ സാധ്യതയുണ്ട്.
ഇന്ന് ഇന്ത്യ തോറ്റാൽ, 3 മത്സരങ്ങളുള്ള ഏകദിന പരമ്പരയിൽ ആദ്യമായാണ് സമ്പൂർണ പരാജയം ഉണ്ടാകാൻ പോകുന്നത്. ഇന്നുവരെ, ഇന്ത്യയെ ഏകദിന ഫോർമാറ്റിൽ മൂന്ന് തവണ വൈറ്റ്വാഷ് ചെയ്തിട്ടുണ്ട്, കഴിഞ്ഞ 30 വർഷത്തിൽ ഒരിക്കൽ മാത്രമാണ് ഇങ്ങനെ സംഭവിച്ചിട്ടുള്ളത്. അതിനാൽ ഇന്ന് ജയിക്കേണ്ടത് ഇന്ത്യക്ക് അനിവാര്യമാണ്. ബുംറയ്ക്ക് മൂന്നാം ഏകദിനത്തിൽ വിശ്രമം നൽകാൻ സാധ്യതയുണ്ട്.ഇന്ന് ഇന്ത്യൻ സമായം രാവിലെ 7:30ന് ആണ് മൽസരം ആരംഭിക്കുക. രണ്ട് മത്സരത്തിലും മികച്ച പ്രകടനം നടത്തിയ റോസ് ടെയ്ലറിൽ തന്നെയാകും ന്യൂസിലൻഡിൻറെ പ്രതീക്ഷ.
