ഗ്ലെൻ മക്ഗ്രാത്തിന് ഇന്ന് അമ്പതാം ജന്മദിനം
ഒരു മുൻ ഓസ്ട്രേലിയൻ അന്താരാഷ്ട്ര ക്രിക്കറ്റ് കളിക്കാരനായ ഗ്ലെൻ മക്ഗ്രാത്തിന് ഇന്ന് അമ്പതാം ജന്മദിനം. 1970 ഫെബ്രുവരി 9 ന് ആയിരുന്നു അദ്ദേഹത്തിൻറെ ജനനം. ഒരു ഫാസ്റ്റ് ബോളർ എന്ന നിലയിൽ ഓസ്ട്രേലിയയുടെ ധാരാളം വിജയങ്ങളിൽ ഗ്ലെൻ മക്ഗ്രാത്ത് വളരെയധികം സംഭാവനകൾ നൽകിയിട്ടുണ്ട്. മാടപ്രാവ് എന്ന് വിളിപ്പേരുള്ള മക്ഗ്രാത്ത് 1970 ഫെബ്രുവരി 9നു ഓസ്ട്രേലിയയിലെ ന്യൂ സൗത്ത് വെയിൽസിലാണ് ജനിച്ചത്. ഐ.പി.എല്ലിൽ 2008 സീസണിൽ ഡൽഹി ഡെയർഡെവിൾസ് ടീമിനുവേണ്ടി അദ്ദേഹം കളിച്ചിട്ടുണ്ട്. ഏറ്റവുമധികം ടെസ്റ്റ് വിക്കറ്റുകൾ നേടിയ ഫാസ്റ്റ് ബോളർ എന്ന റെക്കോർഡ് മക്ഗ്രാത്തിന്റെ പേരിലാണ്.
2006 ഡിസംബർ 23 ന് ടെസ്റ്റ് ക്രിക്കറ്റിൽ നിന്നും വിരമിക്കൽ പ്രഖ്യാപിച്ചു. 2007 ജനുവരിയിൽ വിരമിച്ചു . അവസാന ടെസ്റ്റിലെയും അവസാന ഏകദിനത്തിലെയും അവസാന ട്വന്റി 20 യിലെയും അവസാന ബോളിൽ വിക്കറ്റ് നേടി അദ്ദേഹം റെക്കോർഡ് നേടി . ടെസ്റ്റിൽ ഏറ്റവും കൂടുതൽ ബാറ്റ്സ്മാന്മാരെ ഡക്ക് ആക്കിയതും (104) അദ്ദേഹം ആണ്. ഭാര്യയും 2 മക്കളും ഉണ്ട്.
14 വർഷമാണ് അദ്ദേഹം ക്രിക്കറ്റിനായി കളിച്ചത്. 2001 ൽ ഓസ്ട്രേലിയൻ ഇൻസ്റ്റിറ്റ്യൂട്ട് ഓഫ് സ്പോർട്ട് ബെസ്റ്റിൽ മികച്ച പട്ടികയിൽ ഉൾപ്പെട്ട വെറും ഇരുപത്തിയൊന്ന് ഓസ്ട്രേലിയൻ അത്ലറ്റുകളിൽ ഒരാളാണ് മഗ്രാത്ത്. 2000 ൽ സിഎ അദ്ദേഹത്തിന് അലൻ ബോർഡർ മെഡലും പുരുഷ ടെസ്റ്റ് പ്ലെയർ ഓഫ് ദ ഇയർ അവാർഡും നൽകി. 2001 ൽ പുരുഷ ഏകദിന പ്ലെയർ ഓഫ് ദ ഇയർ അവാർഡും ലഭിച്ചു.
