ഐഎസ്എൽ: ഇന്ന് ബ്ലാസ്റ്റേഴ്‌സ് ചെന്നൈയിൻ എഫ് സി പോരാട്ടം
ഹീറോ ഇന്ത്യൻ സൂപ്പർ ലീഗിലെ ആറാം സീസണിലെ എഴുപത്തിയൊന്നാം മൽസരത്തിൽ ഇന്ന് കേരള ബ്ലാസ്റ്റേഴ്‌സ് ചെന്നൈയിൻ എഫ്‌സിയെ നേരിടും. കൊച്ചിയിൽ ഇന്ന് രാത്രി 7:30ന് ആണ് മൽസരം. റാങ്കിങ്ങിൽ ഉയര്ന്ന സ്ഥാനം നേടാൻ ഇരു ടീമുകൾക്കും ഈ വിജയം അനിവാര്യമാണ്. അവസാന നാലിലേക്കു പ്രവേശിക്കാനായുള്ള ചെറിയ സാധ്യതയെങ്കിലും ബാക്കി നിർത്താൻ കേരളബൽസ്റ്റേഴ്‌സ് ടീമിന് ഈ മത്സരത്തിൽ വിജയിച്ച മതിയാകു. ഇതിന് മുമ്പ് 13 തവണ ഇരു ടീമുകളും ഏറ്റുമുട്ടിയപ്പോൾ അഞ്ച് തവണയും വിജയം ചെന്നൈയ്‌ക്കൊപ്പമായിരുന്നു. കൊച്ചിയിൽ ചെന്നൈയിനെതിരായ മികച്ച റെക്കോർഡ് കേരളത്തിനു ആത്മവിശ്വാസം നൽകുന്നത്.
ചെന്നൈക്കെതിരായി നടന്ന കഴിഞ്ഞ ആറു മത്സരങ്ങളിൽ മൂന്ന് ജയം, രണ്ട് സമനില, ഒരു തോൽവി എന്നിവയാണ് കേരളാബ്ലാസ്റ്റേഴ്‌സ് നേടിയിട്ടുള്ളത്. എന്നാൽ തുടർച്ചയായ രണ്ടു തോൽവിക്കപ്പുറമാണ് കേരളം ഇന്ന് കളത്തിലിറങ്ങുന്നത്. നിർണായകമായ രണ്ട് പ്രതിരോധ താരങ്ങളുടെ അഭാവത്തിൽ നടക്കുന്ന ഇന്നത്തെ മത്സരം കേരളത്തിന് കടുത്ത വെല്ലുവിളിയാണ് ഉയർത്തുന്നത്. സെന്റർ ബാക്ക് വ്ലാറ്റ്കോ ഡ്രോബറോവ്, ഡിഫൻസീവ് സ്‌ക്രീൻ മൊഹമദൗ ജിംഗ് എന്നിവരുടെ സസ്‌പെൻഷൻ ടീമിനെ പ്രതികൂലമായി ബാധിക്കും.
ഓവൻ കോയിലിന്റെ വരവിനുശേഷം, ഈ സീസണിൽ ചെന്നൈയിൻ മികച്ച പ്രകടനമാണ് കാഴ്ചവക്കുന്നത്. ആദ്യ നാലിലേക്കുള്ള യോഗ്യതക്കും ടീമിനുമിടയിൽ നിലവിൽ വെറും മൂന്നു പോയിന്റുകൾ മാത്രമാണ് അവശേഷിക്കുന്നത്. തുടർച്ചയായ മൂന്നുവിജയങ്ങ ളിലൂടെ മികച്ച ഫോമിൽ ആണ് ചെന്നൈ. ഈ സീസണിൽ അഞ്ച് എവേ മത്സരങ്ങളിൽ നിന്ന് നാല് തവണ മാത്രമാണ് ടീം സ്കോർ ചെയ്തത്. ഇനിയുള്ള അവരുടെ അവസാന അഞ്ച് മത്സരങ്ങളിൽ എവേ മത്സരങ്ങളാണ്. അതിനാൽ മികച്ച പ്രകടനം തന്നെ പുറത്തെടുക്കാൻ ആകും ചെന്നൈയിൻ എഫ് സി ശ്രമിക്കുക.
