ലാ ലിഗയിൽ ഇന്ന് റയൽ മാഡ്രിഡ് – അത്ലറ്റിക്കോ മാഡ്രിഡ് പോരാട്ടം

ലാ ലിഗയിൽ ഇന്ന് റയൽ മാഡ്രിഡ് – അത്‍ലറ്റികോ മാഡ്രിഡ് പോരാട്ടം.
സാന്റിയാനോ ബെർണാബ്യുവിൽ റയൽ മാഡ്രിഡിന്റെ ആതിഥേയത്വത്തിലായിരിക്കും ഇരുടീമുകളുടെയും ഇന്നത്തെ ഏറ്റുമുട്ടൽ. ലീഗിലെ ഒന്നാം സ്ഥാനം നിലനിർത്താനുള്ള തീവ്രശ്രമമായായിരിക്കും റയൽ മാഡ്രിഡ് സ്വന്തം മൈതാനത്തിൽ പന്ത് തട്ടുന്നത്.

സ്പാനിഷ് സൂപ്പർ കപ്പ് ഫൈനലിൽ ആയിരുന്നു ഇരുടീമുകളും അവസാനമായി ഏറ്റുമുട്ടിയത്.
കഴിഞ്ഞമാസം നടന്ന മത്സരത്തിൽ പെനാൽറ്റി ഷൂട്ടൗട്ടിലൂടെ റയൽ മാഡ്രിഡാണ് ചാമ്പ്യൻമാരായിരുന്നത്. ലീഗിൽ ബാഴ്സലോണയെ പിന്നിലാക്കിയ റയൽ കഴിഞ്ഞയാഴ്ചയാണ് ഒന്നാംസ്ഥാനത്തേക്ക് മടങ്ങിയെത്തിയത്.

റയൽ മാഡ്രിഡ് 21 മത്സരങ്ങളിൽ നിന്നും 13 ഗോളുകൾ വഴങ്ങിയപ്പോൾ അത്ലറ്റികോ 14 ഗോളുകൾ വഴങ്ങി.
ഇതിനു മുൻപ് ഇരുടീമുകളും ലാ ലിഗയിൽ ഏറ്റുമുട്ടിയപ്പോൾ സമനിലയായിരുന്നു ഫലം. ഇന്ത്യൻ സമയം രാത്രി 8.30 നാണ് മത്സരം നടക്കുക.