ബിസിസിഐ ഉപദേശക സമിതിയിൽ ആര്‍പി സിംഗ്
മുൻ ഇന്ത്യൻ ക്രിക്കറ്റ് താരമായ ആര്‍പി സിംഗ് ബിസിസിഐ ഉപദേശക സമിതിയിൽ. മുന്‍ ഇന്ത്യന്‍ ക്രിക്കറ്റ് താരങ്ങളായ മദന്‍ലാല്‍, ആര്‍പി സിംഗ്, വനിതാ താരം സുലക്ഷണ നായിക് എന്നിവരാണ് പുതിയ സമിതിയിൽ ഉള്ളത്. ഗൗതം ഗംഭീർ സമിതിയിൽ ഉണ്ടാകുമെന്ന് റിപ്പോർട്ടുകൾ ഉണ്ടായിരുന്നെങ്കിലും സമിതിൽ അദ്ദേഹം ഇടം നേടിയിട്ടില്ല. സമിതിയിൽ ഉള്ളവരുടെ കാലാവധി ഒരു വർഷം ആണ്.
പാരലമെന്‍റ് അംഗമായതിനാല്‍ ആണ് ഗംഭീറിനെ സമിതിയിലേക്ക് പരിഗണിക്കാഞ്ഞത്. ഗംഭീറിന് പകരമാണ് ആർ പി സിംഗ് സമിതിയിൽ അംഗമായത്. കപില്‍ ദേവ്, അന്‍ഷുമാന്‍ ഗെയ്ക്വാദ്, ശാന്ത രംഗസ്വാമി എന്നിവരുടെ ഒഴിവിലേക്കാണ് പുതിയ മൂന്ന് പേര് എത്തിയത്. സെലക്ടര്‍മാരായ എംഎസ്കെ പ്രസാദ്‌, ഗഗന്‍ ഹൂഡ എന്നിവര്‍ക്ക് പകരം ആരെത്തുമെന്നാണ് ക്രിക്കറ്റ് ലോകം കാത്തിരിക്കുന്നത്.
