നാല് ദിവസ ടെസ്റ്റ് നീക്കത്തെ എതിർത്ത് ഓസ്ട്രേലിയൻ ഇതിഹാസ താരം ഗ്ലെന് മഗ്രാത്ത്
ടെസ്റ്റ് മത്സരങ്ങളുടെ ദൈർഖ്യം നാല് ദിവസം ആക്കാനുള്ള ഐസിസിയുടെ പുതിയ നീക്കത്തിനെതിരെ ഓസ്ട്രേലിയൻ ഇതിഹാസ താരം ഗ്ലെന് മഗ്രാത്ത്.ടെസ്റ്റ് മത്സരത്തിന്റ ദൈര്ഘ്യം അഞ്ചില് നിന്ന് നാലാക്കി കുറക്കാന് കഴിഞ്ഞ ദിവസം ഐ.സി.സി തീരുമാനിച്ചിരുന്നു. 2023 മുതൽ ഇത് പ്രാബല്യത്തിൽ എത്തിക്കാൻ ആണ് ഐസിസിയുടെ ശ്രമം.ഇതിനെ പിന്തുണച്ചും, എതിർത്തും നിരവധി പേര് രംഗത്തെത്തിയിരുന്നു. എതിർക്കുന്നവർ ആണ് കൂടുതലും. ആ നിരയിലേക്കാണ് ഇപ്പോൾ ഗ്ലെൻ മഗ്രാത്ത് എത്തിയിരിക്കുന്നത്.
ടെസ്റ്റ് ക്രിക്കറ്റ് ഇപ്പോള് എങ്ങനെയാണോ അങ്ങനെതന്നെ തുടര്ന്നും കാണാനാണ് താരം ആഗ്രഹിക്കുന്നതെന്ന് മഗ്രാത്ത് പറഞ്ഞു. എന്നാൽ ഇതിന് പിന്തുണയുമായി ഇംഗ്ലണ്ട് ആന്ഡ് വെയ്ല്സ് ക്രിക്കറ്റ് ബോര്ഡ് രംഗത്ത് എത്തിയിരുന്നു. സമയ ദൈർഖ്യം കുറക്കാനും, താരങ്ങൾക്ക് കൂടുതൽ വിശ്രമം ലഭിക്കാനും ഇതിലൂടെ സാധിക്കുമെന്നാണ് ഇംഗ്ലീഷ് ക്രിക്കറ്റ് ബോര്ഡിന്റെ വിലയിരുത്തല്.അടുത്ത വര്ഷം ചേരുന്ന ഗ്ലോബല് ഗവേണിംഗ് ബോഡിയില് ഈ വിഷയം ചർച്ച ചെയ്യുമെന്ന് ഐസിസി അറിയിച്ചിട്ടുണ്ട്.
