കായിക രംഗത്ത് നിന്ന് റഷ്യക്ക് നാല് വർഷത്തെ വിലക്ക്
ആന്റി-ഡോപ്പിംഗ് ഏജൻസി(വാഡ) റഷ്യയെ കായികരംഗത്ത് നിന്ന് നാല് വർഷത്തേക്ക് വിലക്കി. ഉത്തേജക മരുന്ന് ഉപയോഗിച്ചതുമായി ബന്ധപ്പെട്ട ലബോറട്ടറി ഫലങ്ങളില് കൃത്രിമം കാട്ടിയതിനാണ് വിലക്ക്. റഷ്യയുടെ അത്ലറ്റിക്സ് പ്രോഗ്രാമുകളെക്കുറിച്ചുള്ള നിർണായക വിവരങ്ങൾ പൂർണ്ണമോ ആധികാരികമോ അല്ലെന്ന് കമ്മിറ്റി പറയുന്നു. 2019 ജനുവരിയില് ആന്റി ഡോപിങ് ഏജന്സി (റുസാഡ) നല്കിയ റിപ്പോര്ട്ടില് റഷ്യ കൃത്രിമം കാട്ടി എന്നതാണ് വിലക്കാനുള്ള പ്രധാന കാരണം. ഈ സാഹചര്യത്തിൽ റഷ്യൻ കൊടിയുടെ കീഴിൽ അടുത്ത നാല് വർഷത്തേക്ക് താരങ്ങൾക്ക് കളിക്കാൻ സാധിക്കില്ല.
ടോക്കിയോയിൽ വരാനിരിക്കുന്ന സമ്മർ ഒളിമ്പിക്സ്, 2022 ലെ ലോകകപ്പ്, ബീജിംഗിൽ നടക്കുന്ന വിന്റർ ഒളിമ്പിക്സ് തുടങ്ങിയ ഉയർന്ന മത്സരങ്ങളിൽ പങ്കെടുക്കാൻ റഷ്യക്ക് കഴിയില്ലെന്ന് വാഡ അറിയിച്ചു. സ്പോർട്സ് ഉപകരണത്തിലെ റഷ്യൻ ഉദ്യോഗസ്ഥർക്കും ഏജൻസികൾക്കും ഈ നിരോധനം ബാധകമാണ്. ഡോപ്പിംഗ് എന്ന് സംശയിക്കപ്പെടുന്ന എല്ലാ റഷ്യൻ അത്ലറ്റുകളുടെയും പട്ടിക ഇപ്പോൾ തങ്ങളുടെ പക്കലുണ്ടെന്ന് വാഡ പറയുന്നു. എന്നാൽ ഉത്തേജക മരുന്ന് പരിശോധനയിൽ ജയിക്കുന്ന താരങ്ങൾക്ക് സ്വതന്ത്ര പതാകയുടെ കീഴില് ഒളിമ്ബിക്സില് മത്സരിക്കാന് സാധിക്കും.
