ഇന്ത്യ വിൻഡീസ് ക്രിക്കറ്റ് പരമ്പരയ്ക്കുള്ള ഇന്ത്യൻ ടീമിനെ പ്രഖ്യാപിച്ചു: സഞ്ജുനെ വീണ്ടും ഒഴിവാക്കി
വെസ്റ്റ്ഇൻഡീസിൻറെ ഇന്ത്യൻ പര്യടനത്തിന് ഡിസംബർ ആറിന് തുടക്കമാകും.മൂന്ന് ടി20 മത്സരങ്ങളും, മൂന്ന് ഏകദിന മത്സരങ്ങളുമാണ് പര്യടനത്തിൽ ഉള്ളത്. പരമ്പരയ്ക്കുള്ള ഇന്ത്യൻ ടീമിനെ പ്രഖ്യാപിച്ചു. മലയാളി താരം സഞ്ജു സാംസണിന് ഇത്തവണയും അവസരം ലഭിച്ചില്ല. ജഡേജ ടീമിൽ ഇടം നേടി. ഭുവനേശ്വര് കുമാറും, മുഹമ്മദ് ഷാമിയും ടി20 ടീമിൽ ഇടം നേടി. ബംഗ്ലാദേശിനെതിരെയുള്ള ടി20 മത്സരത്തിൽ സാംസൺ ടീമിൽ ഉണ്ടായിരുന്നെങ്കിലും കളിച്ചിരുന്നില്ല. ടി20 പരമ്പരയിലെ രണ്ടാം മത്സരം തിരുവനന്തപുരം കാര്യവട്ടം സ്റ്റേഡിയത്തിൽ ആണ് നടക്കുന്നത്. ഡിസംബർ എട്ടിനാണ് രണ്ടാം ടി20 മത്സരം.
ബംഗ്ലാദേശിനെതിരെ മോശം പ്രകടനം നടത്തിയ പന്തിനെ വീണ്ടും ടീമിൽ ഉൾപ്പെടുത്തിയിട്ടുണ്ട്. ഇന്ത്യൻ ഓപ്പണർ ശിഖർ ധവാനും ടീമിൽ ഉണ്ട്. ഡിസംബർ ആറ് മുതൽ 22 വരെയാണ് മത്സരങ്ങൾ നടക്കുന്നത്. പൊള്ളാർഡ് നായകനായി എത്തിയതിന് ശേഷം വിൻഡീസ് അഫ്ഗാനിസ്ഥാനെതിരെയുള്ള ഏകദിന മത്സരം ജയിച്ചിരുന്നു. അഞ്ച് വർഷങ്ങൾക്ക് ശേഷം അവർ ഒരു പരമ്പര ജയിക്കുകയും ചെയ്തു. എന്നാൽ ടി20 മത്സരങ്ങളിൽ ഈ ജയം തുടരാൻ ആയില്ല. 2-1ന് അഫ്ഗാൻ ടി20 പരമ്പര സ്വന്തമാക്കിയിരുന്നു.
ഇന്ത്യന് ട്വന്റി20 ടീം: വിരാട് കോഹ്ലി, രോഹിത് ശര്മ്മ, ശിഖര് ധവാന്, ലോകേഷ് രാഹുല്, ശ്രേയസ് അയ്യര്, മനീഷ് പാണ്ഡെ, ഋഷഭ് പന്ത്, ശിവം ദുബെ, വാഷിങ്ടന് സുന്ദര്,രവീന്ദ്ര ജഡേജ, യുസ്വേന്ദ്ര ചഹല്, കുല്ദീപ് യാദവ്, ദീപക് ചാഹര്, മുഹമ്മദ് ഷമി, ഭുവനേശ്വര് കുമാര്.
ഇന്ത്യന് ഏകദിന ടീം: വിരാട് കോഹ്ലി, രോഹിത് ശര്മ്മ, ശിഖര് ധവാന്, ലോകേഷ് രാഹുല്, ശ്രേയസ് അയ്യര്, മനീഷ് പാണ്ഡെ, ഋഷഭ് പന്ത്, ശിവം ദുബെ, കേദാര് ജാദവ്, രവീന്ദ്ര ജഡേജ, യുസ്വേന്ദ്ര ചഹല്, കുല്ദീപ് യാദവ്, ദീപക് ചാഹര്, മുഹമ്മദ് ഷമി, ഭുവനേശ്വര് കുമാര്.
