ഹീറോ U-17 വനിതാ ചാമ്ബ്യന്‍ഷിപ്പ് കിരീടം ലയണസസിന്
ഫുട്‌ബോൾ സ്‌പോർട്‌സ് ഡെവലപ്‌മെന്റ് ലിമിറ്റഡും റിലയൻസ് ഫൗണ്ടേഷനും ചേർന്ന് സംഘടിപ്പിക്കുന്ന ഹീറോ അണ്ടർ 17 വിമൻസ് ചാമ്പ്യൻഷിപ്പിൻറെ ആദ്യ കിരീടം ലയണസസ് സ്വന്തമാക്കി. ടൈഗ്രസസിനെ ആണ് അവർ ഫൈനലിൽ തോൽപ്പിച്ചത്. വമ്പൻ മൽസരമാണ് ലയണസസ് നടത്തിയത്. രണ്ടിനെതിരെ ഏഴ് ഗോളുകൾക്കാണ് അവർ വിജയിച്ചത്. ആദ്യ പകുതിയിൽ നാലും, രണ്ടാം പകുതിയിൽ അഞ്ചും ഗോളുകളാണ് മത്സരത്തിൽ പിറന്നത്.
ലിന്‍ഡ കോം, സുമതി, പ്രിയങ്ക സുജീഷ്, പ്രിയങ്ക ദേവി, സൈ സങ്ക് എന്നിവരാണ് ലയണസസിന് വേണ്ടി ഗോളുകൾ നേടിയത്. ലിൻഡയും, സുമതിയും ലയണസസിന് വേണ്ടി ഇരട്ട ഗോളുകൾ നേടി.ഏകപക്ഷീയമായ മൽസരമാണ് കാണാൻ കഴിഞ്ഞത്. അലക്സ് അംബ്രോസ് ആണ് ലയണസസിൻറെ പരിശീലകൻ.അണ്ടര്‍ 17 വനിതാ ലോകകപ്പിനുള്ള ഒരുക്കത്തിന്റെ ഭാഗമായിട്ടാണ് ഈ ടൂർണമെൻറ് നടത്തിയത്.
