യൂറോ 2020 : ടീമുകൾ പുതിയ ജേഴ്സി പുറത്തിറക്കി
അടുത്ത വർഷം ആരംഭിക്കുന്ന യൂറോ കപ്പിനായുള്ള പുതിയ ജേഴ്സി അവതരിപ്പിച്ചിരിക്കുകയാണ് ജർമനിയും, സ്പെയിനും, ബെൽജിയവും. മൂന്ന് ടീമുകളുടെയും ഹോം ജേഴ്സിയാണ് പുറത്തിറക്കിയിരിക്കുന്നത്. പ്രമുഖ സ്പോര്ട്സ് വിയര് ബ്രാന്ഡായ അഡിഡാസാണ് ജേഴ്സി ഡിസൈന് ചെയ്തിരിക്കുന്നത്. അടുത്തവർഷം ജൂൺ 12ന് ആണ് മത്സരങ്ങൾ ആരംഭിക്കുന്നത്.
വെള്ളയും കറുപ്പുമുള്ള ഡിസൈനിലാണ് ജർമനിയുടെ പുതിയ ജേഴ്സി. അഡിഡാസ് ജർമ്മൻ വരകൾ നിലനിർത്തിയിട്ടുണ്ടെങ്കിലും കൈകൊണ്ട് വരച്ച പിൻസ്ട്രൈപ്പുകളുടെ ശൈലിയിൽ അവ പുനർനിർമ്മിച്ചിരിക്കുകായണ്. മറ്റിടങ്ങളിൽ, കറുപ്പ്, ചുവപ്പ്, സ്വർണ്ണ പതാക നിറങ്ങൾ ആണ് ഉള്ളത്. പതിവ്പോലെ ചുവപ്പ് നിറമുള്ള ഡിസൈനിലാണ് സ്പെയിനിൻറെ ജേഴ്സി പുറത്തിറങ്ങിയിരിക്കുന്നത്. സ്പെയിനിന്റെ ജേഴ്സിയുടെ കഴുത്തിൽ ‘1920’ എന്ന് എഴുതിയിട്ടുണ്ട്. ആദ്യത്തെ ദേശീയ ടീം ജേഴ്സിയുടെ നൂറാം വാർഷികം ഒര്മിപ്പിച്ചുകൊണ്ടുള്ളതാണ്. ബെൽജിയത്തിന്റെ ഏറ്റവും പുതിയ കിറ്റ് രാജ്യത്തിന്റെ പതാകയുടെ ശക്തിയും, പുരോഗമനപരവുമായ നിറങ്ങൾ ആഘോഷിക്കുന്നു, ഗ്രാഫിക് ‘ബി’ എന്ന അക്ഷരം ജേഴ്സിയിൽ കാണാം.
