ഇന്ന് ഡേവിഡ് വാർണർ ജന്മദിനം

ഡേവിഡ് ആൻഡ്രൂ വാർണർ ഒരു ഓസ്ട്രേലിയൻ അന്താരാഷ്ട്ര ക്രിക്കറ്റ് കളിക്കാരനും ടി20 ക്രിക്കറ്റിൽ ഓസ്ട്രേലിയൻ ദേശീയ ടീമിന്റെ മുൻ ക്യാപ്റ്റനുമായിരുന്നു. ഒക്ടോബർ 27, 1986ൽ ആണ് അദ്ദേഹം ജനിച്ചത്. ഒരു ഇടംകൈയ്യൻ ഓപ്പണിംഗ് ബാറ്റ്സ്മാനായ വാർണർ 132 വർഷത്തിനുള്ളിൽ ഫസ്റ്റ് ക്ലാസ് ക്രിക്കറ്റിൽ പരിചയമില്ലാതെ ഒരു ദേശീയ ടീമിലേക്ക് തിരഞ്ഞെടുക്കപ്പെടുന്ന ആദ്യ ഓസ്‌ട്രേലിയൻ ക്രിക്കറ്റ് കളിക്കാരനാണ്. ആഭ്യന്തര ക്രിക്കറ്റിൽ ന്യൂ സൗത്ത് വെയിൽസിനും സിഡ്നി തണ്ടറിനുമായി കളിക്കുന്നു. 2015 നും 2018 നും ഇടയിൽ ടെസ്റ്റ്, ഏകദിന ഫോർമാറ്റുകളിൽ ഓസ്ട്രേലിയൻ വൈസ് ക്യാപ്റ്റനായി സേവനമനുഷ്ഠിച്ചു.

2017 ജനുവരിയിൽ, ഒന്നിലധികം തവണ അലൻ ബോർഡർ മെഡൽ നേടിയ നാലാമത്തെ കളിക്കാരനായി തുടർച്ചയായ വർഷങ്ങളിൽ അവാർഡ് നേടുകയും ചെയ്തു. 2017 സെപ്റ്റംബർ 28 ന് തന്റെ നൂറാം ഏകദിനത്തിൽ കളിച്ച അദ്ദേഹം ഓസ്‌ട്രേലിയയുടെ ആദ്യ ബാറ്റ്സ്മാനും മൊത്തത്തിൽ തന്റെ നൂറാം ഏകദിനത്തിൽ സെഞ്ച്വറി നേടിയ എട്ടാമത്തെ ബാറ്റ്സ്മാനും ആയി മാറി. ഐ പി എല്ലിൽ 2014 മുതൽ സൺറൈസേഴ്‌സ് ഹൈദരാബാദിനു വേണ്ടി കളിക്കുന്നു. 2015,2016,2017സീസണുകളിൽ ടീമിന്റെ ക്യാപ്റ്റൻ ആയിരുന്നു. 2016 ൽ സൺറൈസേഴ്‌സ് ഹൈദരാബാദിന് കിരീടം നേടിക്കൊടുത്തു. 2015 ലും 2017ലും സീസണിലെ മികച്ച റൺ വേട്ടക്കാരനായി.2018 ൽ പന്തുചുരണ്ടൽ വിവാദത്തിൽ പെട്ട് വിലക്ക് നേരിടേണ്ടി വന്നതിനാൽ ആ ഐ പി എൽ സീസണിൽ കളിക്കാൻ സാധിച്ചിരുന്നില്ല.

ബിഗ് ബാഷ് ലീഗിൽ ടാസ്മാനിയയ്ക്കെതിരെ റെക്കോർഡ് അർധസെഞ്ച്വറി 18 പന്തിൽ നിന്നും നേടി. ജോർജ് ബെയ്ലിയുടെ 19 പന്തിൽ നിന്നുമുള്ള അർധസെഞ്ച്വറിയുടെ റെക്കോർഡാണ് വാർണർ തകർത്തത്. ബിഗ് ബാഷിന്റെ ആദ്യ സീസണിൽ സിഡ്നി തണ്ടറിന്റെ ക്യാപ്റ്റനായിരുന്നു വാർണർ. ടൂർണമെന്റിലെ ആദ്യ മത്സരത്തിൽ 102 റൺസ് നേടി.