ഇന്ത്യൻ ടീമിൽ നിന്ന് ഒഴിവാക്കാൻ പറ്റാത്ത താരമാണ് ചാഹലെന്ന് സൗരവ് ഗാംഗുലി
നിലവിൽ ഇന്ത്യൻ ടീമിൽ നിന്ന് ഒഴിവാക്കാൻ പറ്റാത്ത താരമാണ് റിസ്റ് സ്പിന്നര്‍ ചാഹൽ എന്ന മുൻ ഇന്ത്യൻ താരം സൗരവ് ഗാംഗുലി പറഞ്ഞു. ടീമിൻറെ പ്രധാന താരങ്ങളിൽ ഒരാളാണ് ചാഹൽ എന്നും അദ്ദേഹം പറഞ്ഞു. എന്നാൽ ചാഹലിനെ ദക്ഷിണാഫ്രിക്കൻ ടി20 പരമ്പരയിൽ നിന്ന് ഒഴിവാക്കിയിരുന്നു. മറ്റുള്ളവർക്ക് അവസരം നൽകാനായിരിക്കും കുല്‍ദീപ് യാദവിനും ചാഹലിനും വിശ്രമം നൽകിയതെന്നാണ് താൻ വിശ്വസിക്കുന്നതെന്ന് ഗാംഗുലി പറഞ്ഞു.
ടി20 മൽസരങ്ങളിൽ റിസ്റ് സ്പിന്നര്‍ ആയ ചാഹൽ വേണ്ടത് വളരെ അത്യാവശ്യമാണ്, ഏത് ഘട്ടത്തിലും വിക്കറ്റുകൾ വീഴ്ത്താൻ ഇവർക്ക് കഴിയുമെന്നും ഗാംഗുലി പറഞ്ഞു. മിഡില്‍ ഓര്‍ഡറിൽ ഇന്ത്യ നേരിടുന്ന പ്രശ്‌നം ഒഴിവാക്കാൻ കഴിഞ്ഞാൽ ഏറ്റവും മികച്ച ടീം ഇന്ത്യ ആണെന്ന് ഗാംഗുലി പറഞ്ഞു.
