ബംഗളുരു എഫ്സി തങ്ങളുടെ ഹോം ഗ്രൗണ്ട് പുനയിലേക്ക് മാറ്റി
എ.ഐ.എഫ്.എഫ് ക്ലബ് ലൈസൻസിംഗ് മാനദണ്ഡങ്ങൾ പാലിക്കുന്നതിനായി പൂനയിലെ ബലേവാദി സ്റ്റേഡിയത്തെ വരാനിരിക്കുന്ന സീസണിലെ സ്വന്തം മൈതാനമായി ബെംഗളൂരു എഫ്സി ഉൾപ്പെടുത്തി. നിലവിൽ അവരുടെ ഹോം ഗ്രൗണ്ട് ബംഗളുരു ശ്രീകണ്ഠീരവ സ്റ്റേഡിയം ആയിരുന്നു. സ്റ്റേഡിയം ഉപയോഗിക്കുന്നതിനുള്ള നിയമതടസങ്ങൾ കണക്കിലെടുത്താണ് അവർ പുതിയ ഹോം ഗ്രൗണ്ടിലേക്ക് മാറുന്നത്. എ.എഫ്.സി കപ്പിൽ ബെംഗളൂരു എഫ്സി ഉൾപ്പെട്ടതിനാൽ ക്ലബ് ലൈസൻസിംഗ് മാനദണ്ഡങ്ങൾ പാലിക്കുന്നതിനായി സെപ്റ്റംബർ 15 നകം ക്ലബ്ബിന് ഹോം മത്സരങ്ങൾ ആതിഥേയത്വം വഹിക്കാനുള്ള വേദി രജിസ്റ്റർ ചെയ്യേണ്ടിവന്നു. പൂനെയിലെ ബാലേവാഡി സ്റ്റേഡിയവും അഹമ്മദാബാദ് ട്രാൻസ്സ്റ്റേഡിയവും മാത്രമാണ് രണ്ട് ഓപ്ഷനുകൾ. ഇതിൻറെ അടിസ്ഥാനത്തിലാണ് അവർ പൂനെ സ്റ്റേഡിയം തിരഞ്ഞെടുത്തത്.
ശ്രീകണ്ഠീരവ സ്റ്റേഡിയം 2015 മുതൽ ബംഗളുരുവിൻറെ ഹോം ഗ്രൗണ്ട് ആണ്. നിയമതടങ്ങൾ ഉള്ളതിനാൽ ആണ് ഗ്രൗണ്ട് മാറുന്നതെന്ന് ടീം മാനേജ്മെന്റ് ട്വിറ്ററിലൂടെ അറിയിച്ചു. എന്നാല് ശ്രീകണ്ഠീരവ സ്റ്റേഡിയം തന്നെ ഹോം ഗ്രൗണ്ടായി തിരിച്ചു പിടിക്കാനുള്ള ശ്രമങ്ങള് നടത്തുമെന്നും അറിയിച്ചു. ജനുവരിക്ക് മുമ്പ് വേദിയിൽ മാറ്റം വരുത്താൻ ക്ലബ്ബുകളെ എ.എഫ്.സി അനുവദിക്കും. ശ്രീ കാന്തീരവ സ്റ്റേഡിയം തന്നെ ഹോം ഗ്രൗണ്ടായി ലഭിക്കാൻ ബെംഗളൂരു എഫ്.സി ശ്രമങ്ങൾ നടത്തി വരികയാണ്.
