ബംഗ്ലാദേശ് സിംബാബ്‌വെ ആദ്യ ടി20 മത്സരം ആരംഭിച്ചു
ധാക്ക: ബംഗ്ലാദേശ്-അഫ്ഗാനിസ്ഥാൻ -സിംബാവെ ത്രികോണ ടി20 പരമ്പരക്ക് ഇന്ന് തുടക്കമായി. ആദ്യ മത്സരത്തിൽ ബംഗ്ലാദേശ് സിംബാബ്‌വെ മത്സരമാണ് നടക്കുന്നത്. മഴ മൂലം 18 ഓവറാക്കി കുറച്ച മത്സരത്തിൽ ടോസ് നേടിയ ബംഗ്ലാദേശ് ബൗളിംഗ് തിരഞ്ഞെടുത്തു. ഒടുവിൽ വിവരം കിട്ടുമ്പോൾ സിംബാബ്‌വെ 9/1 എന്ന നിലയിലാണ്. ആറ് റൺസ് നേടിയ ടെയ്‌ലറിന്റെ വിക്കറ്റ് ആണ് സിംബാബ്‌വെയ്ക്ക് നഷ്ടമായത്. തൈജുൽ ഇസ്‌ലാമിനാണ് വിക്കറ്റ് ലഭിച്ചത്.
ഐസിസിയുടെ വിലക്ക് നേരിടുന്ന ടീമാണ് സിംബാബ്‌വേ.ഐസിസി സംഘടിപ്പിക്കുന്ന മത്സരങ്ങളില്‍ പങ്കെടുക്കാൻ സിംബാബ്‌വേയ്ക്ക് കഴിയില്ല. ഏഴ് ടി20 മത്സരങ്ങൾ ആണ് ഈ പരമ്പരയിൽ ഉള്ളത്.
