ഖത്തർ ലോകകപ്പ്: ഒമാനെതിരെയുള്ള യോഗ്യത മൽസരത്തിനുള്ള 11 അംഗ ഇന്ത്യൻ ടീമിനെ പ്രഖ്യാപിച്ചു
ഗുവാഹത്തി: ലോകകപ്പ് ഫുട്ബാൾ യോഗ്യത മത്സരങ്ങള്‍ക്ക് ഇന്ന് തുടക്കമായി. ഇന്ത്യയുടെ ആദ്യ മൽസരം ഇന്ന് രാത്രി 7:30ന് ഒമാനെതിരെയാണ്. യോഗ്യത മൽസരത്തിനുള്ള പ്ലേയിങ് ഇലവനെ ആണ് സ്റ്റിമാച് പ്രഖ്യാപിച്ചത്. മൂന്ന് മലയാളി താരങ്ങൾ ടീമിൽ ഉണ്ടെങ്കിലും ഒരാൾ മാത്രമാണ് പ്ലേയിങ് ഇലവനിൽ ഉള്ളത്. ആഷിഖ് കുരുണിയന്‍ ആണ് ടീമിൽ ഉള്ളത്. ബാക്കി രണ്ട് താരങ്ങളായ അനസും സഹലും ബെഞ്ചില്‍ ആണ് ഉള്ളത്. ജിങ്കാനും, ആദില്‍ ഖാനുമാണ് സെന്റര്‍ ബാക്കായി ഇറങ്ങുന്നത്.
ഗ്രൂപ്പ് ബിയിൽ ആണ് ഇന്ത്യ. ഒമാന്‍, ഖത്തര്‍, ബംഗ്ലാദേശ്‌, അഫ്‌ഗാനിസ്ഥാന്‍ എന്നീ ടീമുകളാണ് ഗ്രൂപ്പ് ബിയിൽ ഉള്ളത്. ഗ്രൂപ്പിലെ എല്ലാ ടീമുകളും പരസ്‌പരം മത്സരിക്കും.ലോക റാങ്കിങ്ങിൽ ഇന്ത്യ 103-ാം സ്ഥാനത്താണ് ഉള്ളത്. രണ്ടാം റൗണ്ടിൽ രണ്ടാമതായി ജയിച്ചാലും ഇന്ത്യക്ക് മൂന്നാം റൗണ്ടിൽ പ്രവേശിക്കാൻ കഴിയും.
