ഇന്ത്യ വിൻഡീസ് രണ്ടാം ടെസ്റ്റ് ആരംഭിച്ചു: ഇന്ത്യക്ക് രണ്ട് വിക്കറ്റ് നഷ്ട്ടമായി
കിങ്‌സ്റ്റണ്‍: ഇന്ത്യ വിൻഡീസ് ടെസ്റ്റ് മത്സരത്തിലെ രണ്ടാമത്തെയും, അവസാനത്തേതുമായ മത്സരം ആരംഭിച്ചു. ടോസ് നേടിയ വിൻഡീസ് ബൗളിംഗ് തിരഞ്ഞെടുത്തു. ആദ്യ ബാറ്റിങ്ങിനിറങ്ങിയ ഇന്ത്യക്ക് അത്ര നല്ല തുടക്കം അല്ല ലഭിച്ചത്. ഇന്ത്യക്ക് രണ്ട് വിക്കറ്റ് നഷ്ട്ടമായി. ഒടുവിൽ വിവരം കിട്ടുമ്പോൾ ഇന്ത്യ 71/2 എന്ന നിലയിലാണ്. മയങ്ക് അഗർവാളും(41), കൊഹ്‌ലിയുമാണ്(4) ക്രീസിൽ. രാഹുലിന്റെയും(13), പൂജാരയുടെയും(6) വിക്കറ്റ് ആണ് ഇന്ത്യക്ക് നഷ്ട്ടമായത്. ഹോൾഡർക്കും, കോണ്‍വാളിനും ആണ് വിക്കറ്റ് ലഭിച്ചത്.
ആദ്യ മത്സരം ഇന്ത്യ ജയിച്ചിരുന്നു. ഒന്നാം ടെസ്റ്റില്‍ 318 റൺസിനാണ് ഇന്ത്യ വിജയിച്ചത്. ഏകദിന പരമ്പരയും, ടി20 പരമ്പരയും ഇന്ത്യ ജയിച്ചിരുന്നു. ലോക ടെസ്റ്റ് ചമ്പ്യാൻഷിപ്പിലെ ഇന്ത്യയുടെ രണ്ടാം മത്സരമാണിത്. ആദ്യ ജയത്തോടെ 60 പോയിന്റുമായി ഇന്ത്യ ഒന്നമതാണ്. രഹാനെ, കൊഹ്‌ലി,ഇഷാന്ത് ശർമ്മ, ബുംറ എന്നിവരുടെ മികവിലാണ് ഇന്ത്യ ആദ്യ മൽസരം ജയിച്ചത്.
