മാഞ്ചസ്റ്റര് യുണൈറ്റഡ് താരം അലക്സിസ് സാഞ്ചസ് ഇന്റർ മിലാനിലേക്ക്
മാഞ്ചസ്റ്റര്: മാഞ്ചസ്റ്റര് യുണൈറ്റഡ് താരം അലക്സിസ് സാഞ്ചസ് വായ്പ്പാ അടിസ്ഥാനത്തിൽ ഇന്റർ മിലാനിലേക്ക് ചേക്കേറി. 2020 ജൂൺ 30 വരെ അന്റോണിയോ കോണ്ടയുടെ ട്രൈനിങ്ങിൽ ചിലിയൻ താരം പരിശീലനം തേടും. യുണൈറ്റഡിന്റെ റൊമേലു ലൂക്കാക്കുവും നേരത്തെ ഇന്ററിന്റെ ഭാഗമായി കളിച്ചിരുന്ന താരങ്ങളാണ്.
2018ല് ആഴ്സണലില് നിന്നാണ് 30 കാരനായ താരം മാഞ്ചസ്റ്റർ യുണൈറ്റഡിലെത്തിയത്. എന്നാല് ക്ലബ്ബിനൊപ്പം മികച്ച പ്രകടനം കാഴ്ചവയ്ക്കാനാവാതിരുന്ന താരം മിലാനിലേക്ക് പോകുന്നത്. യുണൈറ്റഡിനൊപ്പം 32 പ്രീമിയര് ലീഗ് മത്സരങ്ങളില് വെറും മൂന്നു ഗോളേ നേടാനായുള്ളൂ. ചിലിയൻ ഫുട്ബാൾ കളിക്കാരനായ സാഞ്ചസ് ചിലി ദേശീയ ഫുട്ബോൾ ടീം, ഇംഗ്ലീഷ് ക്ലബ് മാഞ്ചസ്റ്റർ യുണൈറ്റഡ് എന്നീ ടീമുകൾക്കായാണു കളിക്കുന്നത്.
കൊബ്രളോവ എന്ന ടീമിനു വേണ്ടിയാണു ആദ്യമായി താരം ബൂട്ടണിയുന്നത്. 2006 ൽ ഇറ്റലിയിലെ യുദ്നീസ് കാൽഷിയോ എന്ന ടീം സാഞ്ചസിനെ സ്വന്തമാക്കിയെങ്കിലും ഒാരോ വർഷം കോളോ-കോളോ, റിവർ പ്ലേറ്റ് ഏന്നീ ടീമുകളിൽ വായ്പ അടിസ്ഥാനത്തിൽ കളിപ്പിച്ചു. ശേഷം യുദ്നീസ് ടീമിൽ സിരീ എ കളിച്ച സാഞ്ചസ് 2011 ൽ 25 ദശലക്ഷം പൗണ്ടിനു ബാർസലോണ ടീമിലെത്തി. 2006 മുതൽ ദേശീയ ടീമിൽ കളിക്കാൻ തുടങ്ങിയ സാഞ്ചസ് 89 കളികളിൽ നിന്നായി 31 ഗോളുകൾ നേടി,ക്ലാഡിയോ ബ്രാവോയ്ക്ക് ശേഷം ദേശീയ ടീമിനു വേണ്ടി ഏറ്റവും കൂടുതൽ കളിച്ച താരം ടീമിനു വേണ്ടിയുള്ള ഗോൾ നേട്ടത്തിൽ മൂന്നാം സ്ഥാനത്താണ്.
