ഡ്യൂറന്‍റ് കപ്പ്: മാര്‍ക്കസിൻറെ ചിറകിൽ കന്നിക്കിരീടം നേടി ഗോകുലം
കൊല്‍ക്കത്ത: ഡ്യൂറന്‍റ് കപ്പ് ടൂർണമെന്റിൽ ഫൈനലില്‍ മൽസരത്തിൽ ശക്തരായ മോഹന്‍ ബഗാനെ തോൽപ്പിച്ച് ഗോകുലം എഫ് സി കിരീടം സ്വന്തമാക്കി. ഒന്നിനെതിരെ രണ്ട് ഗോളുകൾക്കാണ് കേരള ഗോകുലം എഫ് സി കിരീടം സ്വന്തമാക്കിയത്. ക്യാപ്റ്റന്‍ മാര്‍ക്കസ് ജോസഫിന്റെ തകർപ്പൻ പ്രകടനത്തിലാണ് ഗോകുലം വിജയം സ്വന്തമാക്കിയത്. രണ്ട് ഗോളുകളും മാർക്കസ് ആണ് നേടിയത്.
കനത്ത പോരാട്ടമാണ ഫൈനലിൽ നടന്നത്. 16 തവണ കിരീടം നേടിയ മോഹൻ ബഗാനെ മത്സരത്തിയടിച്ച മാർക്കസും സംഘവും ആദ്യ ഗോൾ നാൽപ്പത്തിയഞ്ചാം മിനിറ്റിൽ നേടി. രണ്ടാം പകുതിയിൽ അമ്പത്തിയൊന്നാം മിനിറ്റിൽ രണ്ടാം ഗോളും നേടി. രണ്ട് ഗോളുകളും മാർക്കസിന്റെ കാലുകളിൽ നിന്നാണ് പിറന്നത്. മോഹൻ ബഗാന് വേണ്ടി സാല്‍വദോര്‍ പെരസ് മാര്‍ട്ടിനാണ് അറുപത്തിനാലാം മിനിറ്റിൽ ഗോൾ നേടിയത്. സെമിഫൈനലിൽ ഗോകുലം കേരള ഈസ്റ്റ് ബംഗാളിനെ പെനാല്‍റ്റി ഷൂട്ടൗട്ടില്‍ തോൽപ്പിച്ചാണ് ഫൈനലിൽ എത്തിയത്. ഗോകുലത്തിൻറെ ആദ്യ ഗോൾ പെനാല്‍റ്റിയിലൂടെയാണ് നേടിയത്.
